Abcnews.al ka siguruar pamjet nga momenti i grabitjes së një argjendarie në Shkodër nga një çift nga Vlora. Ngjarja ka ndodhur në lagjen Demokracia në Shkodër, ku nga pamjet duket sesi çifti i ri është futur në ambientet e argjendarisë sikur janë të interesuar për të blerë dhe pronarët burrë e grua kanë vendosur mbi banak kutinë ku janë të vendosura bizhutë.
Ndërkohë në një moment gruaja Anisa Hoxhaj e cila ishte në shoqërinë e bashkëshortit Arben ka nxjerrë nga xhepi i majtë një objekt që nuk dihet nëse ishte derdorand apo ndonjë lloj spraj dhe ua ka hedhë në sy pronarëve në tentative për të marr bizhutë dhe për tu larguar.
LEXO EDHE: “Bonnie and Clyde” në Shkodër, policia: Çifti nga Vlora tentoi të grabiste argjendarinë
Ndërkaq pronarët i kanë ndjekur deri te dera duke e tërhequr me forcë kutinë e bizhuve duke i lënë të largohen pa arritur objektivin e tyre.
Ndërkohë këtë të dielë gjykata ka vendosur masën arrest me burg për çiftin nga Vlora.
Ngjarja ka ndodhur mesditën e së enjtes ku menjëherë pas njoftimit të pronarëve çifti i grabitësve përfundoi në pranga./abcnews.al
