Partizani ka arritur të marrë 3 pikët e para për vitin 2022, duke mposhtur me rezultatin 3-0 skuadrën e Egnatias.
Demat arritën të shënojnë të 3 golat në pjesën e dytë të takimit, ku goli i parë erdhi nga këmbët e Esat Malën në minutën e 47-të.
Debutim fantastik për Xhuliano Skukën i cili arriti të shënonte gol me fanellën e kuqe që në ndeshjen e parë , duke i dhënë kështu avantazhin e dyfishtë skuadrës së Partizanit 61’.
Për të mbyllur sfidën mendoi Arinaldo Rrapaj 73’, që dërgoi shifrat në 3-0. Egnatia në minutat e mbetura nuk gjeti dot forcën të reagonte duke dalë pa pikë nga përballja me kryeqytetasit e Dritan Mehmetit.
Me këtë fitore demat arrijnë në 21 pikë të pozicionuar në vendin e 5-të, ndërsa Egnatia ngelet në kuotën e 14 pikëve në vendin e ftohtë të renditjes.
Fitore edhe për Kastriotin që befasoi skuadrën e Teutës, ndërsa fitoi me shifrat 2-0. Nga një gol për çdo pjesë nga djemtë e Emiljano Çelës.
Bedri Greca në minutën e 14 ishte ai që i dha avantazhin krutanët, duke u bërë kështu edhe lojtari i parë që shënon golin për vitin 2022.
Spartak Ajazi tundi rrjetën në minutën e 72, për të dërguar rezultatin 2-0. Djemtë e detit nuk mundëm ti bënin ballë dëshirës së krutanëve për të dalë me 3 pikë nga kjo përballje.
Kastrioti i “zhyt” në krizë durrsakët e Edi Martinit të cilët marrin humbjen e tretë në katër ndeshjet e fundit në kampionat.
Krutanë më fitoren e arritur shkon në 11 pikë në vendin e fundit duke kërcënuar Egnatian e cila tani ka vetëm 3 pikë, ndërsa në krahu tjetër Teuta mbetet në kuotën e 18 pikëve në vendin e 6-të. /f.a/abcnews.al
