Dy këmbësorë të moshuar janë përplasur nga automjetet në Fier. Policia bën me dije se aksidenti i parë ka ndodhur në fshatin Suk 1, Roskovec, ku shoferi E. M., 44 vjeç ka përplasur të moshuarin R. K., 79 vjeç.
Ndërsa në vendin e quajtur “Kthesa e Patosit”, një 22-vjeçar ka përplasur F. B., 78 vjeç. Të dy të moshuarit ndodhen në spital nën kujdesin e mjekëve ndërsa shoferët janë arrestuar nga policia.
“Specialistët e Sektorit të Qarkullimit Rrugor në DVP Fier arrestuan në flagrancë shtetasit: E. M., 44 vjeç, banues në Zharrëz, Patos, pasi në fshatin Suk 1, Roskovec, duke drejtuar automjetin tip “Benz”, ka aksidentuar këmbësorin shtetasin R. K., 79 vjeç, i cili ndodhet në spital nën kujdesin e mjekëve.
A. M., 22 vjeç, banues në Patos, pasi në vendin e quajtur “Kthesa e Patosit” duke drejtuar automjetin tip “Volkswagen”, ka aksidentuar këmbësorin shtetasin F. B., 78 vjeç, i cili ndodhet në spital nën kujdesin e mjekëve. Materialet i kaluan Prokurorisë për veprime të mëtejshme procedurale”, njofton policia. m.v/Abcnews.al
