Sekretari amerikan i shtetit, Majk Pompeo, deklaroi tërheqjen e shteteve të bashkuara të amerikës nga traktati historik për armët bërthamore të firmosur nga Ronald Regan dhe Mikael Gorbacov në 1987-ën. Pompeo deklaroi se Rusia ka shkelur hapur dhe prej vitesh traktatin duke mos treguar asnjë impenjim serioz për respektimin e tij. Por Sekretari Amerikan i Shtetit theksoi se Shtetet e Bashkuara të Amerikës janë të gatshme për një marrëveshje të re me Moskën brenda gjashtë muajsh
Uashingtoni akuzon Moskën se ka shkelur në mënyrë të përsëritur marrëveshjet që nga viti 2014, por Rusia mohon. Pezullimi aktivizon një periudhë prej 180 ditësh për tërheqjen totale nga traktati, të paktën deri sa Moska të respektojë rregullat. Në të kundërt ekziston rreziku i një gare të re armatimi dhe tërheqjeje edhe nga marrëveshja tjetër bërthamore mes SHBA dhe Rusisë.
Shtëpia e bardhë bëri të ditur se shtetet e bashkuara të amerikës do të vazhdojnë me zhvillimin e opsioneve ushtarake dhe do të punojnë me NATO-n dhe aletatë e partner për t’i mohuar Rusisë çdo avantazh ushtarak që vjen nga sjellja e saj e paligjshme
Nato nga ana e saj në një deklaratë për shtyp thekson se nëse Moska nuk do të respektojë detyrimet e saj sipas traktatit duke shkatërruar në mënyrë të vërtetueshme të gjitha sistemet e saj raketore, atëherë do të mbajë përgjegjësi të plotë për përfundimin e traktatit. /abcnews.al
