Nëntori parashikohet të mbyllet me reshje. Shiu, sipas Lajda Porja nga shërbimi “Meteoalb” pritet të përfshijë të gjithë vendin duke nisur nga dita e premte ndërsa bora do të jetë e pranishme në veri dhe verilindje të territorit të hënën.
“Mesi i kësaj jave pritet të jetë me kthjellime. Të premten do të rikthehet një sistem i fuqishëm vranësirash që do të gjenerojë reshje. Shirat do të jenë kryesisht me intensitet mesatar në zonat veri dhe veri perëndimore”, shprehet ajo.
Vlerat e termometrit pritet të zbresin duke nisur nga fundjava, por i ftohti parashikon meteorologia Porja do të ndjehet më tepër në ditët e para të dhjetorit.
“Në fundjavë do të ketë një rënie. Pritet ndryshim menjëherë me hyrjen e dhjetorit. Ne futemi me rënie goxha të ndjeshme të temperaturave dhe në fakt fillimi i Dhjetorit do futet edhe me reshje dëbore kryesisht në veri dhe verilindje të Shqipërisë” thotë Porja.
Temperaturat këtë nëntor sipas sinoptikanëve kanë qenë më të larta se normalja ndërsa reshjet e shiut deri tani nuk kanë plotësuar kuotat mujore. /Abcnews.al
