Një zjarr i fuqishëm përfshiu një banesë në Durrës. Një 82-vjeçare e paralizuar që ndodhej në shtëpi, u shpëtua nga fqinjët. Flakët e zjarrit shkaktuan dëme të mëdha në banesë.
Një e moshuar e paralizuar gati sa nuk humbi jetën kur shtëpia e saj u përfshi nga flakët. Fqinjët vrapuan dhe ndihmuan të moshuarën Mereme Shesho, 82 vjeçe, e cila megjithatë kishte marrë plagë dhe u asfiksua.
Në përpjekje për të shuar flakët u plagos edhe komshiu i saj, Ali Shehu, 62 vjeç. Ngjarja ndodhi në lagjen numër 5 në Durrës. Zjarri për të cilin nuk dihen ende shkaqet, ra në një apartament në katin e katërt të pallatit.
Pasi kanë thyer derën e jashtme, fqinjët hynë brenda dhe nxorrën menjëherë jashtë të moshuarën. Në vendngjarje shkuan efektivë të policisë si dhe forcat e zjarrfikësve, të cilët mundësuan shuarjen e flakëve.
Ende nuk dihen shkaqet e rënies së zjarri, por policia po heton./abcnews.al
