Pas mbylljes së javës së 20-të, menjëherë vëmendja do të përqendrohet tek përballjet e javës së 21-të të Abissnet Superiores. Një javë e cila është e mbushur me duele të luftuara dhe interesante, ku d ka përplasje mes skuadrave me objektiva të njëjta.
Nga titulli, europa dhe mbijetesa, kjo javë ka përpllasje “zjarr”, e cila do të luhet në dy ditë, të shtunën dhe të dielën, në orare të ndryshme.
Gjithçka do të nisë ditën e shtunë me duelin e mbijetesës mes Egnatias dhe Skënderbeut, takim që do të luhet në stadiumin “Egnatia Arena”, ora 13:45. Një takim që vetëm 3 pikët janë shpëtim për të dyja skuadrat të cilat synojnë qëndrimin në superligë.
Në orën 16:45 do të jetë radha e Partizanit dhe Vllaznisë për të matur forcat mes tyre për fitoren që mban gjallë shpresat për një vend në europë, përballe kjo që do të luhet në “Air Albania”.
Dita e dielë do të vazhdojë në orën 13:45 me dy sfida. Kastrioti-Tirana pritet të jetë një ndeshje pa shumë histori me bardheblutë që kërkojnë të përfitojnë nga përplasja e kundërshtarëve për të thelluar diferencën me to, ndërsa krutanët kërkojnë pikët e mbijetesës. Kjo sfidë është përplasje skajesh dhe do të luhet në stadiumin e Kamzës.
Takimi tjetër është ai mes Laçit dhe Kukësi që do të luhet në Kurbin po në të njëjtën orë. Kurbinasit janë skuadra e momentit në kampionat dhe përplasin brinjët me verilindorët me skuadrat që kërkojnë të ngushtojnë diferencën me Tiranën, ndërsa mes tyre bëhen llogaritë edhe të vendit të dytë, ku vetëm 3 pikë i ndajnë me kurbinasit që pozicionohen në vendin e dytë.
Dueli i fundit i kësaj jave do të luhet në orën 16:45, mes Teutës dhe Dinamos. Të dy skuadrat vijnë nga një moment jo në kampionat, teksa nuk po arrijnë të dalin në lojën e tyre dhe të marrin rezultate pozitive. Djemtë e detit dhe blutë kërkojnë kthesën. Për këtë takim pritet të konfirmohet stadiumi ku do të zhvillohet ndeshja.
Sfida e javës së 21-të:
E shtunë
13:45 / Egnatia-Skënderbeu / Stadiumi “Egnatia Arena”
16:45 / Partizani-Vllaznia / Stadiumi “Air Albania”
E diel
13:45 / Kastrioti-Tirana / Stadiumi i Kamzës
13:45 / Laçi-Kukësi / Stadiumi i Laçit
16:45 / Teuta-Dinamo / e Papërcaktuar /f.a/abcnews.al
