Zidane: Betis më i fortë me Pellegrinin. Barça? Kujdes, do luftojnë për trofe

schedule23:59 - 25 Shtator, 2020

schedule 23:59 - 25 Shtator, 2020

Real Madrid do të luajë ditën e nesërme ndeshjen e dytë të kampionatit, ku këtë herë të besuarit e Zinedine Zidane do të përballen në transfertë me Real Betis (21:00). Tekniku francez foli për mediat në konferencën për shtypin në mënyrë virtuale, ku u ndal më së shumti tek ndeshja e nesërme si dhe nuk mungoi një koment rreth situatës aktuale të Barcelonës.

Betis ka pothuajse të njëjtin ekip si në sezonin e kaluar, por ata kanë ndryshuar trajnerin. Pellegrini është një trajner me eksperiencë dhe e dimë shumë mirë se çfarë mund të bëjë ai me ekipin e tij. Mendoj se ata do të jenë më të fortë këtë sezon dhe kjo do të duket që tek ndeshja e nesërme.

Hazard nuk është në formën e tij më të mirë dhe kemi rënë dakord që ai të rikthehet kur të jetë në 100% e formës së tij. Barcelona? Nuk e di ekzaktësisht se çfarë po ndodh. Unë mendoj se çdo klub ka vështirësitë e veta. Katalanasit në aspektin sportiv do të luftojnë në të gjitha frontet dhe për këtë nuk kam asnjë dyshim,” mbyll trajneri i Realit. /abcnews.al