Vrasja e të riut nga policia, shpërthejnë protestat në Bruksel

schedule08:49 - 14 Janar, 2021

schedule 08:49 - 14 Janar, 2021

Në Bruksel kanë shpërthyer protestat  pas vrasjes së një personi me ngjyrë nga policia.

23-vjeçari i quajtur Ibrahim vdiq në stacionin e policisë pasi ishte arrestuar në rrethana ende të paqarta. Sipas raportimeve, familja e tij ishte informuar vetëm gjashtë orë më vonë.

Pak pas tragjedisë në kryeqytetin belg nisën trazirat. Fillimisht, demonstrata u zhvillua paqësisht, por rreth orës 4:00 pasdite shpërthyen trazirat dhe disa njerëz filluan të hidhnin mjete të forta ndaj policisë.

Organizatorët e demonstratës u përpoqën të largonin turmën e njerëzve por nuk ia dolën dot. Në ndërkohë, xhami i një makine policie u thye dhe pati shpërthime zjarri në disa vende.

Disa grupe njerëzisht u drejtuan për në Place Liedts në Schaerbeek, ku thyen xhamat e stacionit të policisë.

Nuk ka ende asnjë njoftim nëse ka të arrestuar apo ndonjë të plagosur./abcnews.al