protesta

vloreeeee.jpg
eri Ida13:36 | 19/03/2020

Banorët e Vlorës thyejnë rregullin e ri. Ata lëvizin në grupe. Madje disa familje të komuniteti rom protestuan para Bashkisë pasi izolimi i pengon të kryejnë aktivitete për të fituar para.

Gazetari Elton Nika raporton për ABC News se ata janë përplasur me policisë pasi nuk lejohen protestat.

Ndërsa disa zyra si ato të UKT-së nuk janë të hapura dhe kanë njoftuar që pagesat duhet të kryhen në banka. Vetëm pak njërez janë drejtuar tek pikat e OSHEE për të paguar faturat. /abcnews.al

WhatsApp-Image-2020-03-06-at-19.12.08.jpeg
nev ila19:13 | 06/03/2020

Në prag të 8 marsit një grup të moshuarish dhe persona në nevojë janë bërë bashkë kundër dhunës ndaj grave. Me pankarta në duar ata kanë marshuar përgjatë bulevardit të Beratit dhe kanë dhënë mesazhe sensibilizuese.

Pjesa më e madhe e tyre ju drejtuan qeverisë, ku kërkojnë përmirësim të situatës ekonomike të grave.

‘Të mbrojmë gruan, se shumë burra i masakrojnë gratë. Ti rrisin pensionin moshës së tretë se vetëm po tallen. Kemi punuar 40-50 vjet”.

“Po protestojmë për gjëra të mira, për dashuri. Duam edhe nga shteti favorizim, të na ndihmojë një çikë, me ngritje pensioni”.

Një prej të moshuarve prej naivitetit apo për shkak të edukimit ka një koncept krejt ndryshe për mënyrën si ndalet dhuna.

“Burrat i mbrojnë gratë, por po nuk patën të ardhura do i rrahin nga e keqja ata”.

Ky grup qytetarësh është ndër më të varfërit në Berat dhe ushqehen me vakte falas në qendrën sociale të qytetit. Ndaj dhe kjo protestë mund të quhet e veçantë për shkak se ata harruan për pak hallet e tyre dhe kanë dalë në rrugë për një kauz të madhe, atë të parandalimit të dhunës kundër grave./abcnews.al

collaku-1280x665.jpg
eri Ida08:57 | 03/03/2020

Analisti Basir Çollaku këtë të martë nga ABC e Mëngjesit ka komentuar tubimin e një ditë më parë të thirrur nga presidenti Ilir Meta në mbrojtje të Kushtetutës. Analisti në fjalën e tij është shprehur se tashmë bulevardi Dëshmorët e Kombit, 4-5 vitet e fundit duhet të njëhet me një emër tjetër me atë “Bulevardi Anti Rama”, kushdo që ti thërras shqiptarët për tu grumbulluar aty kundër kryeministrit ato shkojnë.

Reagimi i ambasadës Amerikane sipas tij ishte një reagim interesant, pasi duket më shumë poetik reagimi i tyre, në atë ambasadë sipas analistin nuk ka asnjë ndryshim që në kohën e Donald Lu.

Shqiptarët janë aq amerikan dashës sa nuk konkurohen nda asnjë vend tjetër kontinent dhe në dasma kanë flamunj amerikanë. Pas viteve 90’ ajo që më ka bërë përshtypje te ambasada amerikane punojnë mbi 15 spiunë shtetit. Ato i kanë njoftimet e gatshëm aq më tepër kur në pushtet janë këto që janë eprorët e tyre. Aty sikur nuk ka ndryshuar asgjë duket sikur është akoma Donald Lu, atë njoftim ato shkresa, peshku andej peshku këtej. Ngjarja e djeshme tregon se ne jemi në zyrtarizimin e diktaturës nuk e di çfarë ka ngelur pa kapur nga kryeministri që është vetëm presidenca dhe jo vetëm i kapur por që ka dhe ingformacion. Kemi hyrë në vitet 80’ vetëm interneti na mban sikur jemi vend i lirë. Policia është bërë private. Jemi kthyer në një shtet partiak ku institucionet e drejtësisë janë privatizuar në rastin më të mirë dhe asgjësuar në rastin më të keq”, tha Çollaku.

Ndër të tjera në fjalën e tij analisti nga ABC e Mëngjesit ka theksuar ndër të tjera se tubimi i djeshëm tregon se opozita duhet të ishte treguar më radikale.

Kjo është një vazhdimësi e 30 qershorit që qytetarët i bëjnë Ramës dhe qeverisë që ato njerëz që e kanë refuzuar atëherë e refuzojnë dhe tani.  Opozita duhet të ishte më radikale dhe të mos i ndërpriste protestat. Rama nuk bën pjesë te njerëzit që merr vesh nga reagimi i qytetarëve me lutje nuk i njeh, ai ka ardhur në pushtet prej 21 vitesh dhe mendon se do të vdesë aty, ulja e opozitës në tryezë paradite dhe protestat e janë ato që e kanë bërë më skeptik. Protestat janë një mjet i domosdoshëm dhe kërkesa e tyre është që të largojnë Raman. Opozita duhet ta organizojnë këtë energji të qyetarëve”, ka thënë ajo.

Gjithahstu ai ka theksuar se, opozita e ka lënë hapur shtegun e protestave pas 15 marsit nëse nuk do të arrihet marrëveshje dhe unë mendoj se nu kdo të mund të realizohet një marrëveshje me të gjithë zigzaget që ka.

“ Nëse opozita do të largojë kryeministrin dhe këtë qeveri protesta është mjeti i domosdoshëm dhe sduhet të fillojë në 8 të darkës që ska asnjë por në 8 të mëngjesit dhe të mos largohen që ato pa ikur ai që do të ikë”, është shprehur Çollaku./abcnews.al

vc.jpg
in a17:58 | 02/03/2020

Në fjalën e tij gjatë tubimit të thirrur nga Presidenti Meta, ish- ambasadori Agim Nesho u shpreh se Shqipëria e sotme është më e plakur. Sipas tij institucionet janë të kapura dhe se është koha që të  shqiptarët të bëhen bashkë në mbrojtje të Kushtetutës.

“Të kesh demokraci është zgjedhja jonë, të mbrosh është detyra jonë.

Sepse të gjithë duam një shqipëri demokratike, me të drejtat tona të respektueshme, që fëmijët tanë të jenë krenarë të punojnë këtu. Sot Shqipëria është më e plakur, është vrarë shpresa për të ardhmen, polarizimi i ekonomisë, autokracia e pushtetit, lidhjet e krimit me politikën, në një vend ku regjimi një partiak ka kapur institucionet, por llogaridhënia me popullin janë tretur në propagandë ku transparenca mungon.

Jetojmë me lidhjet e krimit me politikën. Në një vend ku regjimi njëpartiak ka kapur institucionet, transparenca mugon dhe dëshpërimi të mbyt, kemi mbetur pa nerv dhe të lodhur, kemi pritur që gjendja të ndryshojë. Kemi pritur që opozita e bashkaur të bëjë ndryshimin . E sotmja është këmbanë alarmi. Të gjithë në mbrojtje të Kushtetutës dhe respektimit të shtetit ligjor.

 Sot jemi para shkeljes së Kushtetutës, aktit të madhor për të ardhmen e vendit. Kapja e institucioneve është vija e kuqe për të mbrojtur demokracinë. Mund të kemi menduar se lufta politike është luftë interesash, por e sotmja është këmbanë alarmi për mbrojtjen e Kushtetutës dhe kthimin e sovranitetin.

Sot kërkojmë vetëm mbrojtjen e saj, dhe kërkojmë përgjigje për disa pyetje.

Pse keni frikë nga zgjedhjet e reja për të kthyer legjitimitetin e institucione, pse keni frikë për të denuar krimin elektoral.

I drejtohem edhe ndërkombëtarëve me pyetjen se kush e kush e destabilizoi Shipërinë”, tha Nesho./abcnews.al

vdfgfddfhgh-770x442-1.jpg
nev ila17:29 | 02/03/2020

ORA 17.26: I bashkohet protestës Kryetari i partisë Demokratike Lulzim Basha. Basha shprehu falënderimet e tij për të gjithë shqiptarët që i janë bashkuar protestës.

““Mesazhi im është një falenderim nga zemra për qytetarët që i janë përgjigjur thirrjes për të mbrojtur Kushtetutën. E vetmja garanci për ruajtjen e lirisë është mbrojtja e Kushtetutës dhe se liria minohet kur Kushtetuta shkelet.
Kushetutës i ka mbetur vetëm kapaku. Duhet zgjidhur menjëherë kriza dhe zgjidhja e vetme janë zgjedhjet e parakohshme parlamentare dhe lokale në një ditë.
Unë këtu ndodhem si qytetar, si prind, si bashkëshort dhe bashkëqytetar. Unë kam dalë për të dhënë mesazhin që ky është një tubim qytetar, dhe është një bashkim qytetarësh”, tha Basha.
” tha Basha.

Ndërkohë vijon grumbullimi i mijëra shqiptarëve në Bulevardin “Dëshmoret e Kombit”.

ORA 16.45: Ka nisur grumbullimi i qytetarëve në bulevardin “Dëshmorët e Kombit”, ku pas pak do të nisë manifestimi i thirrur nga Presidenti Ilir Meta.

Nga pamjet që ABC News ka përcjellë shihen qytetarë të shumtë që kanë lidhur në krah flamurin kuqezi, duke përcjellë mesazhin se ky është një manifestim në mbrojtje të Kushtetutës dhe shtetit shqiptar.

Vetë Presidenti Meta ka bërë thirrje prej ditësh që qytetarët të shkojnë në shesh vetëm me flamurin kuqezi. Po ashtu nga kamera e ABC News shihen edhe një numër i madh policësh, të cilët kanë rrethuar Kryeministrinë.

Policët dhe Forcat e Ndërhyrjes së Shpejtë janë vendosur përgjatë gjithë Kryeministrisë, për të shmangur ndonjë incident të mundshëm, edhe pse ka informacione që manifestimi do të jetë paqësor./abcnews.al

pro.jpg
in a16:23 | 02/03/2020

Kryeministri Edi Rama zhvillon sot takime sektoriale në PS. Kryesocialisti po zhvillon takime me deputetë e ministra.

Gazetarja Esiona Konomi tha për “ABC News” se takimet nuk kanë qenë të programuara.

“Teksa të gjithë presin marshimin e Metës, kryeminsitri Edi Rama prej disa orësh po zhvillon takime me deputetë të PS-së. Deputetët kanë raportuar se çfarë është bërë deri më tani. Këto takime nuk kanë qënë më herët të programuara”, raporoti gazetarja Esiona Konomi.

Ndërsa sa i përket manifestimit të thirrur nga Presidenti, demokratët kanë njoftuar se do të jenë shesh.

Gzetari Junxhin Mustafaraj nga selia e PD raportoi se duke qenë se kjo është një manifestim i thirrur nga Presidenti, lideri i PD ka zgjedhur një tjetër itenerear për të mbështetur mitingun, Basha do të vijë si qytetar i thjeshtë nga shtëpia e tij.

Edhe kryetarja e LSI Monika Kryemadhi, ish-kryeministri Sali Berisha do të jenë në manifestim si qytetarë të thjeshtë, për të mbështetur thirrjen e Presidentit në mbrojtjte të Kushtetutës.

Të gjithë drejtuesit opozitar i kanë bërë thirrje mbështetësve të tyre të jenë të pranishëm në mbrojtje të Kushtetutës./abcnews.al

 

352bf37c-7387-4594-9215-d1fb1e5e9e0c.jpg
nev ila16:19 | 02/03/2020

Janë duke u bërë gati përgatitjet e fundit të mbajtjes së tubimit të organizuar nga presidenca.

Siç raporton Erneta Shevroja nga Bulevardi kryesor i Tiranës ku do të mbahet ky tubim, shihen forca të shumta të shtuara nga radhët e policisë.

Ende nuk ka një listë zyrtare për folësit që do të flasin në tribunë por ABC News ka mësuar se do të ngjiten ekspertë të fushave të ndryshme, gazetarë, artistë, intelektualë etj.

Gjithashtu sipas informacioneve të fundit, mësohet se fjalën e parë në manifestim do ta mbajë Ledio Bianko, personalitet i njohur i se drejtës ndërkombëtare dhe ish anëtar i Komisionit të Venecias, gjithashtu anëtar i Gjykatës së Strasburgut.

Mësohet se do ketë disa folës, mes tyre edhe artistët Robert Budina e Bujar Kapexhiu, gjithashtu edhe personalitete të tjera të shquar. Më pas në fund të tyre, do të flasë Presidenti Meta.

Më pas Meta, do të firmosë një dekret që sipas asaj që ka deklaruar Presidenti, do të jetë hapi i parë, i pasuar edhe nga të tjerë më pas, që do të ndalojnë grushtin e shtetit.

Gazetarja Erneta Shevroja raportoi për abcnews.al se nuk do të ketë marrshim, do të ketë vetëm një vendosje të manifestuesve në qendër të sheshit.

Në këtë manifestim nuk përjashtohet edhe një element surprizë. Nga organizatorët është mësuar se ky manifestim do të zgjasë rreth 2 orë./abcnews.al

ba717247-6803-4faa-9d89-ee63ea6cb5b9.jpg
Autor E12:01 | 02/03/2020

Presidenti Ilir Meta ka njoftuar sot për mbajtjen e një manifestimi në mbrotje të Kushtetutës duke thirrur aty të gjithë shqiptarët. Meta tha se gjithkush duhet të mblidhet për të mbrojtur vendin nga mafia ndërkombëtare duke realizuar një tjetër “Lidhe të Lezhës”, siç ndodhi në 2 mars 1444.

Gjatë këtij manifestimi, Meta do të firmosë edhe një dekret. Burimet bëjnë me dije se bëhet fjalë për Gjykatën Kushtetuese, ndërsa nuk kanë munguar spekulimet se Presidenti mund të shpërndajë edhe Parlamentin.

Nisur nga kjo, tashmë në bulevard është dërguar podiumi si edhe një tavolinë, në të cilën Meta do të firmosë pikërisht dekretin e shumë përfolur në orën 17:00.

“Dy gjëra janë mister sot: E para lidhet me numrin e pjesëmarrësve si edhe e dyta, me dekretin që do të firmosë president. Janë vendosur ekrane të mëdha dhe foni nga sheshi përballë Presidencës deri pranë Bashkisë së Tiranës. Kjo do të thotë se ata kanë planifikuar një pjesëmarrje të madhe.

Kuvendi i ka çuar Presidentin ligjin për Gjykatën Kushtetuese, që i heq detyrimin gjyqtarëve të Gjykatës Kushtetuese të betohen para tij. Pritet që të firmosë kthimin e këtij ligji, por ka edhe një pritshmëri të lartë që ai të shpërndajë Parlamentin”, tha raportoi gazetarja Esiona Konomi nga Bulevardi “Dëshmorët e Kombit”.

/abcnews.al

biberaj-1280x643.jpg
eri Ida08:11 | 02/03/2020

Anëtari i Kryesisë së PD-së Aleksandër Biberaj nga ABC-ja e Mëngjesit këtë të hënë është shprehur se opozita do të jetë pasdite në Bulevard në mbështetje të kushtetutës.

Biberaj në studio me Enkel Demin ka deklaruar ndër të tjera se thirrja e presidentit është mbi palët, është një thirrje kombëtare dhe në mbrojtje të kushtetutës.

Presidenti është në rolin e vet kushtetues dhe siç e ka shprehur është i mandatuar deri në 2022 dhe e gjykoj që është një manifestim mbipolitik, interesi është më i madh se i një partie është në interes kombetar në mbrojtje të kushtetutës“, tha Biberaj.

Gjithashtu këtë mëngjes ai ka komentuar edhe reformën zgjedhore duke theksuar ndër të tjera se nëse rilindja do të kërkojë afat të shtyrjes së reformës përtej 15 marsit atëherë ne duhet patjetër që ti rikthehemi preotestave.

Me 15 mars unë mendoj se duhet të kemi një reformë që duhet të miratohet në parlament dhe nëse rilindja përpiqet që ta shtyje ne atëherë duhet ti kthehemi patjetër sërish protetsave nuk ka rrugë tjetër“, është shprehur ai.

Pjesë  nga biseda:

Opozita do të marrë pjesë në manifestimin e Ilir Meta, janë vetëm deklarata apo ka dhe organizim për të marrë pjesë?

Ka organizim për të marrë pjesë janë bërë mbledhjet me të gjithë strukturat organizative, është vënë në lëvizje për të marrë pjesë në manifestimin e sotëm në mbrojtje të kushtetutës dhe të institucioneve.

Kohët e fundit shpesh mazhoranca ka akuzuar se presidenti është në krye të opozitës?

Presidenti është në rolin e vet kushtetues dhe siç e ka shprehur është i mandatuar deri në 2022 dhe e gjykoj që është një manifestim mbipolitik, interesi është më i madh se i një partie është në interes kombetar në mbrojtje të kushtetutës. Sepse e dimë që rilindja i ka kapur të gjithë institucionet, dhe i vetmi që ka ngelur është Gjykata Kushtetuese.

Çfarë pritet të ndodhë sot pasdite?

Organizimi bëhet nga presidenca dhe ne nuk dimë detaje, por dihet se është një manifestim paqësor. Natyrisht se presidenti është shprehur se sot do të fillojë demontimi i shtetit dhe për këtë do të ketë një dekret. Ne manifestuam vitin e kaluar përmes protestave të shumta që kishin një pjesmarrje të madhe dhe pse nuk patëm shumë rezultat kjo pasi ne duhet të rrinim në shtet.

Ju jeni në një tryezë bisedimesh për reformën zgjedhore që ka një afat që është 15 marsi, a do ta respektoni këtë afat apo do të kërkoni shtyrje të tij?

Me 15 mars unë mendoj se duhet të kemi një reformë që duhet të miratohet në parlament dhe nëse rilindja përpiqet që ta shtyje ne atëherë duhet ti kthehemi patjetër sërish protetsave nuk ka rrugë tjetër.

Kryeministri në kongres tha se donte 800 mijë vota

Nëse do e lejojmë ne si shqiptarë jo vetëm ne si opozitarë ai mund të kërkojë edhe 8 milionë. Pjesmarrja në 30 qershor ka qenë shumë e vogël dhe pse i vetëm ai nuk ka arritur që të sigurojë 800 mijë  vota. Është e vështirë tashmë që të lexohet ai por ai është në panik.  Ky është një manisfestim mbipolitik, pavarsisht se Meta përfaqëson të majtën ne jemi të djathtë kjo thirrje është një manifestim mbarëkombëtar nuk ka ngjyra politike dhe nuk ka një karakter politik.

Ai dje ka sjellë në vëmendje lëvizjen e dhjetorit që formoi PD-në, a ka një tendecë për të krijuar të njëjtin front?

Është detyrë e opozitës që të krijojmë një front ndaj qeverisë ka shumë të majtë që nuk e pëlqejnë më këtë qeveri. Pasi të shikojmë dhe politikat ato nuk kanë më lidhje me asgjë të majtë. Kjo qeveri është pa identitet, pa filozofi të caktuar. Është detyra jonë që të bashkojmë popullin shqiptar ndaj kësaj qeverie,dhe është e rëndësishme që të fitojmë zgjedhjet e parakohshme, zgjedhjet lokale të përsëritura dhe ato të pergjithshme. /abcnews.al

tedi-blushi.jpeg
nev ila10:56 | 28/02/2020

Zëdhënësi i Presidentit Ilir Meta, Tedi Blushi ka publikuar detaje nga organizimi i manifestimit të 2 marsit. Blushi thotë se  për mbarëvajtjen e Manifestimit do të ketë 3 mijë aktivistë me shirita kuqezi me të cilët qytetarët mund të kontaktojnë.

Më tej Blushi thekson se ky manifestim nuk është “për dhunë ndaj institucioneve, por kundër dhunës sistematike që një grup puçistësh ushtrojnë ndaj Kushtetutës dhe të drejtave tuaja kushtetuese”.

Postimi i plotë: 

“Të dashur qytetarë,

Me rastin e Manifestimit madhështor Mbarëkombëtar që po afron kërkojmë jo vetëm pjesëmarrjen Tuaj, por edhe bashkëpunimin për realizimin e tij në mënyrën më qytetare, europiane dhe patriotike.

Theksojmë edhe njëherë qëllimin gjithëpërfshirës të këtij Manifestimi, ndaj vetëm flamujt kuqezi janë të mirëpritur.

Theksojmë se ky është Manifestim, jo për dhunë ndaj institucioneve, por kundër dhunës sistematike që një grup puçistësh ushtrojnë ndaj Kushtetutës dhe të drejtave tuaja kushtetuese.

Ndaj nëse mundeni edhe mimozat janë të mirëpritura.

Ju ftojmë të shmangni çdo incident dhe provokim nga cilido, dhe përdorni celularin tuaj për të regjistruar çdo gjë.

Në Presidencë funksionon një grup organizator pa pushim, me të cilët mund të kontaktoni:

Këshilltari për Mbrojtjen, z.Dedë Prenga

Numër celulari: +355699848359

Këshilltari për Emergjencat Civile, z.Shemsi Prençi

Numër celulari: +355696067755

Këshilltari për Pushtetin Vendor, z.Ylli Asllani

Numër celulari: +355692053488

Për çdo informacion dhe ide që keni na kontaktoni menjëherë dhe në adresat e email:

[email protected]

[email protected]

Për mbarëvajtjen e Manifestimit do të ketë 3 mijë aktivistë me shirita kuqezi!

Ju lutem bashkëpunoni me ta!

E gjithë Europa dhe bota do t’i ketë sytë në Tiranë më 2 mars. Aty ku do të jeni edhe ju!

MIRËSEVINI NË PRANVERËN KUQEZI”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono