Një tragjedi e vërtetë ndodhi gjatë një ceremonie varrimi në Sulawesi të Indonezisë.
Samen Kondorura ishte një prej personave që po mbante arkivolin e nënës së tij, por papritur arkivoli ra mbi të, duke i shkaktuar në këtë mënyrë vdekjen.
Ai sëbashku me disa persona të tjerë po përgatisnin arkivolin ta vendosnin në një vend të shenjtë për të respektuar traditën e vendit të tyre.
Fatkeqësisht, 40-vjeçari ra, pasi shkallët që po ngjiste rrëshqitën dhe arkivoli e zuri poshtë.
E gjithë skena u filmua nga disa persona të ndodhur në vendin e ngjarjes. 40-vjeçari u dërgua menjëherë për në spital, megjithatë nuk mundi t’i shpëtojë plagëve të marra.
Julianto Sirait, zyrtar i policisë, tha se incidenti ndodhi sepse shkallët nuk ishin vendosur siç duhet.
Pavarësisht kësaj, familjarët e të ndjerit nuk ngritën padi mbi organizuesit e funeralit. Ata e vendosën trupin e 40-vjeçarit pranë nënës së tij, sipas mediave vendase./abcnews.al
https://www.youtube.com/watch?v=ICzVLMzkuCw
