Ka pasur tension në mjediset e Gjykatës së Tiranës, që çastet e para, kur ka tentuar të nisë seanca gjyqësore. Një grup deputetësh të PD kanë kërkuar të jenë të pranishëm në sallën e seancës, por tek dera e sallës janë ndaluar nga forcat e policisë.
Siç duket dhe nga pamjet, deputetët e PD mes të cilëve, Tabaku, Bumçi, Noka, Spaho e Vokshi u kanë kujtuar efektivëve se ata janë ligjvënës ndaj nuk mund të preken prej tyre. Deputetët demokratë kërkuan të jenë të pranishëm në sallën e gjykatës, ku do të vendoset masa e sigurisë për 23 të ndaluarit në Kukës.
Pas gati 45 minuta nga ora e parashikuar për fillimin e seancës, trupa gjykuese vendosi pjesëmarrjen e deputetëve në seancë, por ka lënë mediat dhe gazetarët jashtë./abcnews.al
