U zhduk pak ditë më parë në liqen, gjendet trupi i aktores së “Glee”

schedule07:15 - 14 Korrik, 2020

schedule 07:15 - 14 Korrik, 2020

Trupi i aktores së njohur Naya Rivera u gjet të hënën në liqenin e Kalifornisë Jugore, ku ajo u zhduk javën e kaluar. Autoritetet kanë konfirmuar se trupi i gjetur në Liqenin Piru, në afërsi të qytetit të Los Angeles është i aktores së njohur të “Glee”.

Rivera u zhduk të mërkurën, pasi kishte dalë në një shëtitje me varkë me djalin e saj 4-vjeçar, Josey. Ishin disa pushues që gjetën 4-vjeçarin të vetëm në varkë dhe njoftuan menjëherë autoritetet.

Aktorja ishte hedhur për të notuar, por më pas nuk është kthyer më. 33-vjeçarja u bë e njohur me rolin e saj në serialin Glee në vitin 2009. Pas rolit të saj në serialin muzikor të vitit 2009 deri në 2015, ajo u shfaq në “Devious Maids” dhe “Step Up: High Water.” /abcnews.al/