Loading ...
Kombëtarja e Spanjës është finalistja e parë e Kupës së Botës, pasi mposhti Francën me rezultat 2:0 në gjysmëfinale, duke siguruar me meritë një vend në aktin e fundit të turneut.
Spanjollët kaluan në epërsi në pjesën e parë me golin e Mikel Oyarzabal, i cili u tregua i saktë nga pika e bardhë e penalltisë. Në minutën e 58-të, Pedro Porro vulosi fitoren, duke realizuar golin e dytë dhe duke shuar shpresat e “Gjelave” të drejtuar nga Didier Deschamps.
Gjatë gjithë takimit, Spanja u shfaq më e organizuar dhe më e vendosur në të dy fazat e lojës, duke kontrolluar ritmin dhe duke kufizuar rastet e Francës. Nga ana tjetër, francezët nuk arritën të gjenin zgjidhje për të thyer mbrojtjen iberike dhe u eliminuan në prag të finales.
Me këtë fitore, Spanja siguron kualifikimin në finalen e Kupës së Botës, ku do të synojë të ngrejë trofeun më të rëndësishëm të futbollit botëror. Në finale Spanja do të përballet me fituesin e çiftit Angli-Argjentinë.
