Teksa jemi më shumë se 24 orë nga shpërthimi në zyrat e OSHEE në fshatin Bushat të Shkodrës, ende nuk ka asnjë të shoqëruar dhe po ashtu ende nuk dihen motivet e kësaj ngjarjeje.
Gazetari i ABC News, Simon Shkreli në një lidhje live bëri me dije policia ka marrë në pyetje punonjësit e zyrës së OSHEE dhe disa persona të tjerë që dyshohet se mund të kenë dijeni, por ende nuk është dalë në asnjë përfundim.
LEXO EDHE: VIDEO/ E filmuar, momenti i shpërthimit jashtë ambienteve të OSHEE në Bushat
“Ende nuk ka një motiv të qartë. Janë marrë në pyetje disa persona që mund të kenë dijeni. Janë pyetur punonjësit e zyrës, por ndonjë konflikt të mundshëm, apo pakënaqësi të ndonjë qytetari.
Dyshohet se mund të ketë qenë një inat i çastit që mund të ketë pasur probleme me OSHEE.
Në pyetje janë marrë punonjësit e OSHEE dhe persona të tjerë që e kanë dëgjuar shpërthimin”, tha Shkreli.
Si pasojë e shpërthimi janë dëmtuar 2 makina dhe janë dëmtuar zyrat, për fat të mirë vetëm dëme materiale.r.t/abcnews.al
