OSHEE
in a07:41 | 28/03/2020
Operatori i Shpërndarjes së Energjisë Elektrike ka sqaruar për abonetët skemën se si mund të përfitojnë faljen e kamatëvonesave.
OSHEE bën me dije se në kuadër të planit të hartuar nga qeveria për zbutjen e efektit negativ që krijon përballimi i emergjencës mjekësore të shkaktuar nga Covid-19, ka vënë në zbatim paketat lehtësuese për klientët debitorë.
Masat lehtësuese përfshijnë borxhet e vjetra të akumuluara dhe nuk kanë të bëjnë me detyrimin e abonentëve për të paguar faturën e rregullt të konsumit mujor të energjisë i cili mbetet i njëjtë.
Gjithashtu sipas OSHEE debitorët brenda 30 qershorit, duhet të lidhin një aktmarrëveshje me kompaninë.
Nga vendimi për faljen e kamatëvonesave përfitojnë në total 227,568 abonentë, prej të cilëve 205,228 janë familjarë dhe 22,340 konsumator biznes. Ndërkohë shuma totale e falur e kamatvonesave arrin në 15,8 miliard lek ose mbi 135 milion USD.
Bazuar në Vendimin e Këshillit të Ministrave, Furnizuesi i Shërbimit Universal (FSHU Sh.A), pjesë e OSHEE Group, sqaron median dhe opinionin publik për sa vijon:
- Pagesa e faturës mujore
Çdo konsumator i energjisë elektrike, familjar apo biznes, duhet të paguajë rregullisht dhe brenda afatit faturën e konsumit mujor. Kjo është e vetmja mënyrë se si Operatori i Shpërndarjes së Energjisë Elektrike mund të garantojë qëndrueshmërinë dhe vazhdimësinë e furnizimit me energji.
Stafi i OSHEE në qendrat e Kujdesit ndaj Klientit punon me turne, çdo ditë nga ora 06:00 deri në 13:00, me përjashtim të ditës së dielë.
Për të shmangur rradhët dhe kontaktet e shpeshta, çdo abonent mund të shfrytëzojë kanalet alternative për pagesën e faturës mujore të energjisë: Sportelet e Postës Shqiptare; bankat e nivelit të dytë; pikat e transfertave të parave dhe kudo ku është e vendosur logo OSHEE – Këtu paguhet fatura e energjisë elektrike. Abonentët mund të shfrytëzojnë edhe hapësirat online përmes faqes zyrtare të OSHEE, portalit qeveritar E-Albania dhe aplikacionet Banking Mobile.
- Skema e faljes së kamatave për abonentët debitor
Furnizuesi i Shërbimit Universal (FSHU), pjesa e OSHEE Group, ka hartuar paketat specifike përmes të cilave abonentët debitore do të mund të përfitojnë falje të kamatëvonesave.
- a) Kategoria e parë e përfituesve
Rezultojnë 90,194 abonentë, prej të cilëve 88,518 janë familjarë dhe pjesa tjetër subjekte biznesi, që aktualisht kanë një aktmarrëveshje me OSHEE për shlyerjen me këste të borxheve të akumuluara, krahas pagesës së faturës mujore.
Për këta abonentë, OSHEE ka vendosur të zbresë plotësisht vlerën e kamatvonesës së krijuar deri më 31 Dhjetor 2019. Shuma totale e falur për këtë kategori kap vlerën e 46 milion USD. Pjesa kryesore e kësaj shume, rreth 41 milion USD ka si përfitues abonentët familjarë ndërsa pjesa e mbetur konsumatorët e regjistruar si biznes.
Për të gjithë këta 90,194 mijë abonentë, OSHEE do të riskedulojë menjëherë akt marrëveshjet aktuale duke u kryer zbritjen e kamatëvonesës së akumuluar deri në 31 Dhjetor 2019 dhe tanimë të falur.
Klientët familjar të cilët paguanin aktualisht sipas aktmarrëveshjeve përkatëse këste mujore 2500, 2800 apo 4200 lekë/muaj do të përfitojnë nga falja e kamatës duke paguar tashmë këste të reduktuara në vlerën 2000 lekë/muaj.
Kategoria e familjeve në nevojë, pensionistëve dhe të papunëve që paguanin aktualisht sipas aktmarrëveshjeve përkatëse këste prej 1200 ose 1800 lekë/muaj do të përfitojnë nga falja e kamatës duke paguar tashmë këste të reduktuara në vlerën 1000 lekë/muaj.
Abonentët biznes të cilëve u falet kamatvonesa e krijuar deri më 31 Dhjetor 2019, do të paguajnë tashmë këstet mujore të shlyerjes vetë të vlerës së principalit.
Afati për faljen e kamatëvonesës dhe riskedulimin e aktmarrëveshjeve të kësaj kategorie abonentësh është brenda 30 Prill 2020.
- b) Kategoria e dytë e përfituesve
Sipas të dhënave të sistemit, rezultojnë 137,374 mijë abonentë debitorë (familjarë dhe biznese) të cilët nuk kanë një aktmarrëveshje të nënshkruar me kompaninë për shlyerjen e detyrimit të mbartur.
Këtyre abonentëve do tu ofrohet mundësia të jenë gjithashtu përfitues të faljes së kamatvonesës së krijuar deri më 31 Dhjetor 2019.
Për të përfituar faljen e kësaj vlere të kamatës, brenda datës 30 Qershor 2020 (nëse nuk ka reduktime të mëtejshme të orareve të qarkullimit), ata duhet të lidhin një aktmarrëveshje me kompaninë dhe tëdakordësohen për të paguar me këste vetëm principalin e akumuluar deri në fund të vitit 2019.
Shuma totale e pritshme për tu falur për këtë kategori konsumatorësh arrin në mbi 89 milion USD.
Sid Orela14:59 | 26/03/2020
Qytetarët janë grumbulluar pranë sporteleve të OSHEE dhe UKT-së në kryeqytet për të paguar faturat.
Pas deklaratës së kryeministrit se kush nuk paguan do t’i pritet energjia qytetarët janë paraqitur pranë sporteleve në masë. Madje shumë prej tyre kanë pritur disa orë në radhë. Shkurtimi i punonjësve në sportele e ka ngadalësuar edhe më shumë procesin.
Një nga qytetaret shprehet:
“Jam numri 170 ndërsa tani është 122. Dy sportele janë vetëm, kështu që shihni e bëni.”
Disa të tjerë shtojnë më tej:
“Po, pagova edhe tashi po iki. Prta nja gjysmë orë, kaq.”
Edhe në sportelet e ujësjellësit është e njëjta situatë .Qytetarët detyrohen të presin në radhë ndërsa bëjnë apel të shtohen sportelet dhe orari i punës të mos nisë në orën 8.
” Kam qysh nga ora 9… Unë habitem se edhe bërtasin atje për lekë edhe nuk e shtojnë personelin”, thotë një qytetar.
Një tjetër shton më tej:
“Pse duhet të hapet në orën 8? Duhet të hapet një çike me herët. Po bëj dy orë e ca, nuk e di do arri dot a s’do arrij. Duhet të punojnë punonjësit në orë më të gjata në mënyrë që të mos ketë dyndje.
Pavarësisht sygjerimit për të paguar online qytetarët shprehen se preferojnë sportelet pasi pagesa me bankë reflektohet me vonesë në sistem. Një tjetër arsye është edhe fakti se pjesa më e madhe e qytetarëve nuk kanë kartë krediti për të kryer këtë shërbim.
“Gjithmonë në sportele paguar, më duket më e saktë.”
Në mbledhjen e fundit të qeverisë kreu i qeverisë deklaroi se nuk do të ketë asnjë tolerim në pagesën e taksave apo të faturave të energjisë elektrike. /abcnews.al/
eri Ida17:24 | 23/03/2020
Të hënën kanë qenë të shumtë qytetarët të cilët I janë drejtuar sporteleve të pagesave të ujit dhe dritave në Tiranë.
Kjo ishte situata pranë një prej pikave të OSSHE-së, ku qytetarët pajiseshin me nr e radhës nga roja që tek dera kryesore dhe më pas prisini për të bërë pagesën e energjisë.
Tek UKT qytetarët duket se janë disi më të revoltuar pasi presin prej disa orësh për të bërë pagesën e ujit dhe nuk mbarojnë punë.
Për të respektuar radhën dhe distancën ndërhyri dhe policia, pasi shpesh qytetarët ishin të pakujdesshëm sa i përket distancës nga njëri-tjetri.
Më e qetë u duk situata tek pagesat e faturave të energjisë pranë ish-parkut të autobusëve, pasi qytetarët duken më të ndërgjegjësuar sa i takon distancës.
Pas shlyerjes së pagesave dhe blerjeve shumica e qytetarëve nxitojnë që ora 13:00 ti gjejë në shtëpi, orar i cili përkon edhe me ndalimin e çdo lëvizje./abcnews.al
in a18:19 | 17/03/2020
Në sportelet e Ujsjellës Kanalizimeve janë krijuar radhë e qytetarëve që paraqiten për të paguar faturat.Për të parandaluar përhapjen e Koronavirusit është vendosur që të hapura do të jenë vetëm tre sportele të UKT që ndodhen pranë ‘Tregut Elektrik” pranë shkollës “Petro Nini” dhe në rrugën “Bardhyl”.
Ajo që vërehet është fakti se pjesa më e madhe e atyre që presin në radhë janë të moshuar të cilët janë këshilluar të mos dalin nga shtëpia pasi janë edhe grupi më I rrezikuar.Por ata shprehen se duhet të paguajnë faturat pasi në të kundërt duhet të paguajnë edhe kamatvonesat.
“Bëjmë kujdes, këto janë gjëra të domosdoshme. Nuk kemi familjar të tjerë për të bërë pagesën. Do dilnim të psonismin dhe do paguajmë edhe ujin”, u shpreh një i moshuar.
E njëjta situatë paraqitet edhe pranë sporteleve të OSHEE ku qytetarët lihen jashtë duke ruajtur distancën nga njëri-tjeteri
“Edhe këto duhen paguar, nuk kemi çfarë të bëjmë tjetër”, thotë një tjetër qytetar.
Nga burimet mësohet se aktualisht po diskutohet një paketë në ndihmë të qytetarëve e cila do të pezullojë kamatvonesat për faturat e energjisë dhe të ujit./abcnews.al
eri Ida19:27 | 10/03/2020
Kryeqyteti për tre ditë në vijim pritet që tëketë shkëputje energjie. OSHEE përmes një njoftimi bën me dije se në vijim të punimeve për rikonstruksionin e kabinave, në datat 11-12 mars do të punohet në disa kabina në kryeqytet, e për pasojë do të stakohet energjia në këto zona në Tiranë
11 mars
09:00-15:00
Pjesërisht rrugët: “Andrea Mano”, “Rruga e Dibrës”, prane shkollës “Bajram Curri”, “Tefta Tashko Koço”, pranë sheshit “Avni Rustemi”, “Hysen Xhura”
12 mars
09:00-15:00
Pjesërisht rrugët: “Imer Ndregjoni”, pranë ish-shkollës së Bashkuar, “Pjetër Budi”
13 mars
09:00-15:00
Pjesërisht rruga e Farkës./abcnews.al
nev ila22:57 | 04/03/2020
OSHEE ka njoftuar ndërprerjen e energjisë elektrike nesër në disa zona të Tiranës.
Përmes një njoftimi, OSHEE bën me dije se ndërprerja e energjisë elektrike do bëhet si shkak i investimeve dhe punimeve në disa kabina.
Ndërprerje të energjisë elektrike do të ketë në datën 5 mars dhe zgjasë nga ora 09.00 e paradites deri në orën 15.00 pjesërisht në rrugën “Ali Demi”, “Zonja Curre”, “Pjetër gurakuqi”, “Ali Shefqeti”.
Po ashtu ndërprerje të energjisë elektrike do të ketë në datën 6 mars nga ora 09.00 deri në orën 15.00 pjesërisht në rrugën “Andrea Mano” pranë shkollës Ramazan Jarani, “Petro Nini Luarasi”, “Shqyri Ishmi”.
Njoftimi i plotë:
“Pershendetje/Njoftim për abonentët #Tiranë
Stakim, 5-6 mars
Në vijim të punimeve për rikonstruksionin e kabinave, në datat 5-6 mars do të stakohet energjia në këto zona në Tiranë
5 mars/09:00-15:00
Pjesërisht rrugët: “Ali Demi”, “Zonja Curre”, “Pjetër Gurakuqi”, “Ali Shefqeti” në Shkozë
6 mars/09:00-15:00
Pjesërisht rrugët: “Andrea Mano” pranë shkollës “Ramazan Jarani”, rruga “Petro Nini Luarasi”, “Shyqyri Ishmi”./abcnews.al
eri Ida14:47 | 23/02/2020
Familjet shqiptare dhe bizneset nuk kanë arritur që të paguajnë faturat e energjisë elektrike gjatë viteve të fundit. Sipas të dhënave të OSHEE janë 58 mijë abonentë famijarë dhe 8 mijë biznese të cilat rezultojnë debitore.
Ndërkohë për të mbledhur këto detyrime OSHEE ka vendosur që të riaktivizojë aktmarrëveshjet në bazë të cilave qytetarët duhet të paguajnë me këste, të cilat janë 1 mijë e 200 lekë në muaj për familjet në nevojë dhe 2 mijë e 800 për familjet e tjera.
Detyrim për lidhjen e aktmarrëveshjeve do të jetë shlyerja e të gjitha detyrimeve të krijuara gjatë viti 2019.Ndërkohë që pagesa e bizneseve varion nga 100 mijë deri në 1 mln lekë në bazë të numrit të kësteve mujore.
Ndërkohë nëse borxhi do të shlyhet 100% është parashikuar falje e tij deri në 70% për familjarët.
Oshee parashikon që në bazë të akmarrëveshjeve këto detyrime të zerohen Brenda pak viteve ndërsa afati i lidhjes së këtyre aktmarrveshjeve është deri në datën 31 dhjetor 2020./abcnews.al
in a18:23 | 20/02/2020
Familjet që nuk jetojnë në banesat e tyre pasi ato janë dëmtuar nga tërmeti do të vijojnë të paguajnë tarifën e shërbimit prej 340 lekë për kontratën e energjisë. Ndërkohë kontratat e abonentëve të cilëve i janë shkatërruar shtëpitë nga tërmeti do të pezullohen pa kosto.
Elton Sevrani, Drejtor i divizionit Tregtar në OSHEE shpjegon se tashmë po identifikohen të gjitha kategoritë e objekteve të dëmtuara .
“Është një projekt që po diskutohet me Ministrinë përkatëse. Kemi marë listat për klientët që kanë dëmtime sipas kategorive të caktuara. Po punohet për të identifikuar kontratat e energjisë elektirke, për rastet kur këto aparatamente nuk do të jenë më funksionalë. Ndërsa për rastet që do të evidentohen nga ana jonë do të aplikohet pezullimi i kontratës”, tha ai.
Rreth tre muaj pas tërmetit OSHEE deklaron se po identifikohen të gjithë abonentët e dëmtuar ndërsa kostot pritet të dalin brenda pak muajve.
“Është një proces që po vazhdon brenda 3 mujorit të parë mund të kemi rezultatet e para”, sqaroi më tej ai.
Pas tërmetit të 26 nëntorit me mijëra banesa individuale dhe pallate u shkatërruan dhe kjo bëri që të meren masa edhe për trajtimin e abonenteve të energjisë elektrike./abcnews.al
nev ila21:12 | 29/01/2020
Gjysma e Tiranës mbrëmjen e kësaj të mërkure ka mbetur pa energji elektrike si pasojë e motit të keq që ka përfshirë kryeqytetin. Operatori i Shpërndarjes së Energjisë Elektrike, përmes një njoftimi për shtyp bën me dije se shkak i ndërprerjes së energjisë është një avarie e shkaktuar nga kushtet atmosferike në rrjetin 110kV, ku sipas saj dolen jashte pune dy nenstacionet Kashar dhe Selitë.
Gjithashtu mes të tjerash bëhet e ditur se në bashkëpunim me OST, brigadat e OSHEE janë duke manovruat dhe brenda një kohe të shkurtër u bë e mundur normalizimi i situatës të Nst Kashar dhe pjesërisht në Nst Selite. Puna vijon per rikthimin e rrjetit ne funksion normal.
Informacionet bëjnë me dije se ndërprerja e energjisë ka ndodhur si pasojë e një avarie të shkaktuar nga kushtet atmosferike në rrjetin 110kV, dolen jashte pune dy nenstacionet Kashar dhe Selitë. Ndërkohë në bashkepunim me OST, brigadat e OSHEE kryen manovrimet dhe brenda nje kohe te shkurter u be e mundur normalizimi i situates te Nst Kashar dhe pjeserisht ne Nst Selite.
OSHEE gjithashtu bën me dije se puna vijon për rikthimin e rrjetit ne funksion normal./abcnews.al
in a14:05 | 22/01/2020
Banorëve të fshatit Hoxharë të Fierit ju janë hequr matësat e energjisë elektrike dhe nuk janë instaluar të rinj. Për më shumë se një muaj ata nuk kanë sahatë dhe ju është thënë nga zyrat e operatorit të shpërndarjes së energjisë elektrike se do të paguajnë afrofe.
Për këtë arsye ata janë ngritur në protestë, pasi pretendojnë se nuk shpenzojnë energji aq sa shuma që vendoset afrofe.
“Nuk harxhojnë aq para sa vendoset në afrofe. Nuk na lajmëruan për heqjen e sahatëve na thanë se do na venë të rinj dhe nuk i kanë vënë. Duhet ti heqin në prezenën tonë”, shprehen banorët.
Në mbështetje të banorëve ka dalë dhe deputeti i opozitës jashtë paralamentit, Luan Baçi.
Kjo është një vjedhje e hapur për të mbuluar defiçitet. Ka patur një sjellje arrogante dhe kanë frike të shprehen sepse ju ndërpresim ndihmën ekonomike apo i rrezikohet vendi i punës”, tha Baçi.
Ndërkohë lidhur me këtë protestë ka reaguar drejtoria rajonale e OSHEE e cila bën të ditur se në disa qarqe të vendit po instalohen matësit e rinj elektronikë.
“Në bazë të projektit të BB në qarkun e Fierit sikurse dhe në disa qarqe të vendit po instalohen matësit e rinj elektronikë. Në Fier janë përllogaritur 6 mijë matësa, ndërsa në Povelcë rreth 100. Aktualisht janë vendosur rreth 4 mijë matësa në këtë qark. Banorëve u është thënë se nuk do të ketë më matësa induktivë ndaj faturimi për periudhën e vendosjes së matësit do të jetë faturë referuese, e cila në muajt në vazhdim do të sistemohet nëse u është vendosur më shumë sesa kanë konsumuar realisht. Zyrtarisht në drejtorinë rajonale të OSHEE Fier nuk ka asnjë ankesë për mbifaturim”, shkruhet në njoftim. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
