Tirana kërkon të transferojë ish-mesfushorin e kombëtares

schedule23:09 - 17 Shtator, 2019

schedule 23:09 - 17 Shtator, 2019

Skuadra e Tiranës është e interesuar për të siguruar shërbimet e ish-futbollistit të kombëtares Migjen Basha. Aktualisht mesfushori aktivizohet tek Aris në kampionatin grek.

Skuadra e Tiranës u përforcua në merkaton e verës me lojtarë tepër cilësorë. Bardhbelutë po marrin frytet e këtyre lëvizjeve pasi aktualisht renditen në vendin e parë në kampionatin shqiptar.

Mesa duket kjo nuk i ka mjaftuar drejtuesve të klubit më të titulluar në Shqipëri që tashmë kanë hedhur vështrimin nga ish-futbollisti i kombëtares Migjen Basha. Mesfushori lajmëroi pak ditë më parë tërheqjen nga ekipi përfaqësues ndërkohë që është në kërkim të një aventure të re në rang klubesh.

Futbollisti i cili aktivizohet në kampionatin grek me skuadrën e Aris, mund të vijojë karrierën në Australi, por së fundmi mediat greke zbulojnë se në garë për të siguruar shërbimet e 32-vjeçarit është futur Tirana dhe skuadra zvicerane e Lozanës.

Për 24 herë kampionët e Shqipërisë, Basha do të ishte një përforcim i madh në repartin e mesit të fushës. Kampionati shqiptar është i përballueshëm për ish-futbollistin e kombëtares dhe do të forconte akoma më tepër kryesuesit e superiores./ABC News Albania 24/7