Thyen xhamat e një biznesi dhe kundërshtuan punonjësit e policisë, arrestohen 2 vëllezër në Dibër

Dy vëllezër në Dibër janë arrestuar pasi thyen xhamat e një biznesi e më pas kundërshtuan edhe punonjësit e policisë gjatë arrestimit. Në pranga u vunë B. S., 29 vjeç dhe S. S., 22 vjeç, banues në Dibër.

Sipas policisë, vëllezërit kanë thyer xhamat e një Bar-Restoranti në Peshkopi për motive të dobëta. Dhe, gjatë ndërhyrjes së policisë për shoqërimin në komisariat të tyre, dy vëllezërit kanë kundërshtuar punonjësit e policisë duke i penguar në kryerjen e detyrave të tyre. /abcnews.al/