diber

500-1.jpg
in a14:49 | 27/03/2020

Familja Nuredini e strehuar në banesat sociale po kalon një moment të vështir financiare për shkak të vendosjes së karantinës.

Sabrie Nuredini është nënë e vetme me 4 fëmijë pasi bashkëshorti është zhdukur prej 5 vitesh.

Kryefamiljarja tregon se punonte pjatalarëse, por aktualisht është e papunë dhe se bashkë me fëmijët e saj po jeton vetëm me ndihmat ushqimore .

Për shkak të situatës së krijuar nga koronavirusi ajo po përballet me vështirësi financiare.

“Gjithë ditën qëndrojmë brenda. Mund të dalim vetëm pak jashtë te dera”, tregon ajo.

Nuredini punonte si pjatalarëse dhe merrte një pagë minimale prej 22 mijë lekësh. Por, tashmë për shkak të karantinës është e papunë dhe nuk ka asnjë të ardhur financiare.

“E kemi shumë të vështirë të përballojmë këtë gjendje të shkaktuar nga virusi. Kam frikë për fëmijët. Tani që nuk punoj, jetoj me çfarë na sjellin”, thotë ajo.

Kryefamiljarja tregon se këto kohë nuk ka blerë fruta dhe ushqehen vetëm me miell, makarona e vaj, ndihmat që ju sjellin banorët.

“Nuk kam me çfarë ti blej ushqimet. Jetoj me çfarë më sjellin”, shprehet ajo.

Fëmijët nuk kanë mundësi që të bëjnë mësimet online pasi nuk kanë internet.

“Nuk kam internet. Kam vetëm një telefon për të kryer hallet dhe kaq”, thotë ajo.

Sabrie Nuredini, pas zhdukjes së bashkëshortit, 5 vite më parë u zhvendos nga Dibra në Tiranë për ti siguruar një jetesë më të mirë fëmijëve. Por tërmeti i dëmtoi shtëpinë dhe tashmë është e strehuar në një banesë sociale në Tufinë./abcnews.al

fermeri-ne-diber.jpg
ger ta14:42 | 21/03/2020

Prodhimi bujqesor në Shqipëri rrezikohet nga koronavirusi. Është koha kur fermerët duhet të fillojnë punët në bujqësi, por situata e krijuar nga Covid-19 ka paralizuar gjithçka.

Një pjesë e punimeve duhej të ishin bërë më përpara dhe tokat duhet të ishin gati për mbjellje. Medin Kryemadhi fermer në fshatin Grevë në Dibër po bën spërkatjen e dytë para çeljes. Sipas fermerit mbyllja e farmacive bujqesore rrezikon prodhimin vendas per kete tij.

“Kjo  brenda 10 ditëve çel, mirëpo nëse nuk bëhen këto shërbime kjo është tepër me humbje për fererët. Duhet patjetër që të hapen rrugët e furnizimit”, thotë ai.

Kryemadhi tregon e të njëjtin problem kanë edhe shumë fermerë të tjerë në zonë.Fermeri shpjegon se prodhimi në bujqësi mund të dështojë nëse nuk merr shërbimin e duhur.

Kryemadhi tregon se gjatë kësaj kohe të gjitha shërbimet ne bujqesi po i bëjnë vetë pa ndihmën e puntorëve. /abcnews.al

diber-3.jpg
eri Ida09:18 | 17/03/2020

Dy të rinj një në Dibër dhe një tjetër në Pogradec kanë thyer rregullat e vetëkarantinimit dhe janë gjobitur me 70 mijë lekë.

Burime për ABC News bejne me dije se i riu ishte kthyer nga Italia në datën 6 mars, ndërsa kishte dalë me automjet vërdalle teksa është kapur nga policia dhe është vendosur masë administrative 70 mijë lëke. Teksa është hequr leja e drejtimit.

Gjithashtu Policia e Dibrës ka gjobitur 29 vjeçarin E. S., i cili ishte kthyer nga italia me datë 03.03.2020 dhe është njoftuar nga specialisti i Policisë së zonës për vetëkarantinim 14-ditor, për shkak se vinte nga një zonë e prekur nga virusi COVID-19, gjë të cilën nuk e ka respektuar.

Njoftimi i policisë Diber:

Strukturat e Policisë vijojnë kontrollet në banesat e personave të kthyer nga vendet e prekura nga COVID-19.

Thyen rregullin për vetëkarantinim, gjobitet nga Policia një 29-vjeçar.

Gjobitja me masë administrative në vlerën 700.000 lekë, për shtetasin E. S., 29 vjeç, banues në Dibër.

Ky shtetas, më datë 03.03.2020 është kthyer nga Italia dhe është njoftuar nga specialisti i Policisë së zonës për vetëkarantinim 14-ditor, për shkak se vinte nga një zonë e prekur nga virusi COVID-19, gjë të cilën nuk e ka respektuar.

Gjatë kontrolleve që ka bërë, Policia ka konstatuar se ky shtetas ka frekuentuar ambiente të jashtme në fshatin e tij.

Në zbatim të Aktit Normativ Nr. 3, datë 15.03.2020 ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″, Policia e ka ndëshkuar këtë shtetas, me masën administrative në vlerën 700.000 lekë.

Policia apelon edhe njëherë për të gjithë ata shtetas që janë njoftuar për vetëkarantinim që të zbatojnë me rigorozitet këtë detyrim në të mirë të shëndetit të tyre dhe njerëzve të tjerë./abcnews.al

azh.jpg
in a12:40 | 27/02/2020

Familja Sokoli në fshatin Cerenicë të Tropojës ka mbetur në qiell të hapur, pasi banesat e tyre u përfshinë nga flakët.

Ngjarja ndodhi pak pas mesnate në pallatin ku jetonin Dede dhe Gege Sokoli.

Flakët përfshin dy apartamente.

Zjarri ka arritur të dëmtojë të gjithë orenditë shtëpiake, ndërsa zjarrfikësit kanë bërë të mundur shuarjen e flakëve, të cilat rrezikonin edhe banesat e tjera.

“Dëmi është i madh, por e rëndësishme është se nuk kishte viktima”, tha kryefamiljari Gege Sokoli.

Pranë tyre ishin edhe banorët e zonës.

Njerëzit kanë qenë brenda në shtëpi kur ka shpërthyer flaka, ishte nje zjarr shumë i fuqishëm”, tha një prej banorëve.

Fatmirësisht nga ngjarja nuk ka të lënduar në njerëz. Shkak i zjarrit ka qenë një shkëndijë elektrike./abcnews.al

Screenshot_2-13.png
R D20:30 | 24/02/2020

Burrë e grua nga fshati Çermen i Dibrës janë dhunuar nga 6 grabitës të cilët pasi i rrahën u vodhën sendet me vlerë. Zonja e shtëpisë tregon se i kanë thyer brinjët dhe gishtin, ndërsa kryefamiljari ka shenja të dukshme në fytyrë. Ata kërkojnë që policia të gjejë sa më parë autorët.


Mbrëmjen e së dieles 6 grabitës hynë me forcë në banesen e familjes Dulja në fshati Çermen të Maqellarës në Dibër. Gjysmë të maskuar me kapuçat e xhupave ata kanë dhunuar me grushta dhe shtrirë në tokë çiftin që jetojnë vetëm në banesë.

“Ja grafitë më kanë thyer gishtin dhe më kanë shembur brinjët”, thotë ajo. “Na qëlluan me grushte nuk kishin armë, na shtrinë në tokë dhe na qëllonin”, shprehet më tej cifti i dhunuar.

Duke qënë se çifi nuk kishte para në banesë grabitësit e dhunëshëm morën bixhuterië e florinjta dhe celularët e tyre. Siç tregon zonja e shtëpisë ata kërkuan ndihmën e fqinjëve për të njotuar policinë pasi dhe telefonat ja u vodhën.

Policët e Maqellarës shkuan në banesën e tyre në kohë, po ende nuk është gjetur asnjë nga grabitësit. Pas kësaj ngjarje që s’do t’ju shlyhet nga kujtesa për shumë kohë, zonja i kërkon policisë të zbardhe ngjarjen dhe të prangose autorët.

Sakaq, policia mblodhi disa kuti bixhuterish për të testuar shenjat e gishtave me qëllim grumbullimin e ndonjë prove të mundshme për gjetjen e autorëve të dhunës dhe grabitjes të të moshuarve. /abcnews.al

grabitja-bulqize.jpg
nev ila10:47 | 24/02/2020

Familja Dulja nga fshati Çermen i Maqellarës në Dibër ka rënë pre e grabitjes mbrëmjen e së dielës.

Sipas familjaëve 6 persona janë futur me dhunë duke thyer derën rreth orës 23:00 teksa bashkëshortët Rrahman e Hasie Dulja ishin në kuzhinë duke parë televizor.

Ata kanë refuzuar të hapin derën por grabitësit e maskuar e kanë thyer atë. Pasi kanë hyrë në banesë janë rrahur të dy bashkëshortët duke i lënë  pa ndjenja.

I zoti i shtëpisë Rrahman dulja tregon se gjithçka ka zgjatur shumë pak pasi katër prej grabitësve kanë mbajtu ata ndërsa 2 të tjerët kanë marrë sendet me vlerë, parat e telefonat e tyre.

“Mbrëmjen e djeshme rreth orës 11 të darkës, ishim zgjuar dhe nuk kishim rënë për të fjetur. Trokiti dera, dola dhe i pyeta se kush ishin. Më thanë një emër që nuk e mbaj mend, nuk e jhapa derën dhe ata shkelmuan derën e u futën brenda.

Ishin 5 a 6 vetë, dera u hap. Dy më kapën mua, dy të tjerë gruan, të tjerët kontrollonin shtëpinë. Ne bëmë njëfarë rezistence dhe ata na goditën, na dhunuan.

Jemi përleshur nja 5 minuta, morën cfarë kishim për të marrë dhe ikën. Bashkëshortes i thyen gishtin dhe ka shembje në brinjë, e cuam në spital. Morën cfarë panë, bizhuteritë qe kishim nëpër sirtare.

Më pas erdhi policia e cila u njoftua nga komshinjtë se ne na i morën telefonat”, tha Dulja.

Policia ndërkohë po punon për të zbardhur dhe gjetur autorët e grabitjes./abcnews.al

ll.jpg
in a08:27 | 05/02/2020

Reshjet e borës kanë përfshirë gjithë juglindjen prej orëve të para të mëngjesit. Trashësia e borës deri në këto momente ka arritur ne 20 cm në zonat malore.
Në qytetin e Pogradecit ka vështirësi qarkullimi në njësinë e Mokrës ndërsa njësia Propisht ka mbetur pa energji elektrike.
Në akset rrugore Korçë-Dardhë, Qafa e Qarrit, dhe Qafa e Liqenasit qarkullimi i automjeteve bëhet me zinxhirë, ndërsa akset Korçë-Kapshticë-Qafë Thanë janë të hapura.Gjithashtu po punohet për heqjen e dëborës dhe hedhjen e kripës, ndërkohë në zonat rurale lëvizja kryhet me vështirësi, kryesisht në Vithkuq dhe në fshatrat Panarit, Lekas, Shtyllë.

Të kalueshme me zinxhire janë aksi Korçë-Dardhë, Korçë -Qafë e Qarrit dhe pjesërisht Korçë – Voskopoja. Akset e tjera janë të kalueshme pa problem ndërsa duhet treguar kujdes në lëzivjen e automjeteve. Trashësia e borës arrin rreth 20cm në zonat malore dhe 5cm ne qytet, ndërsa po punohet me kriposjen dhe pastrimin e zonave problematike.

Gjithashtu reshje të dendura dëbore kanë përfshirë Dibrën dhe Bulqizën gjatë natës së mbrëmshme. Trashësia arrin në 20 cm në qytet dhe në mbi 45 cm në zonat e thella. Rrugët nacionale Peshkopi – Tiranë dhe Peshkopi – Kukës janë të kalueshme, pasi për gjatë gjithë natës me borëpastruese. Në disa segmente në Kalanë e Dodës duhet të përdoren zinxhirët.
Krejt ndryshe paraqitet situata me rrugët e qyteteve dhe rrugët rurale. Rrugët e qytetit të Peshkopisë janë të pa pastruara, po ashtu sdhe rrugët e fshatrave që lidhen me qytetin e Peshkopisë. Në disa prej fshatrave kalojnë vetëm mjete të larta (foristrada) ndërsa nuk ka kaluar asnjë borëpastruese./abcnews.al

Rama_pergjimi-1280x691.jpg
R D17:15 | 28/01/2020

Përgjimet e dosjes 184 nxorën zbuluar një sërë zyrtarësh të lartë të cilët dëgjoheshin duke folur për shitblerje votash gjatë zgjedhjeve të pjeshsme lokale të Dibrës në vitin 2016. Pinpongu me këtë dosje vazhdon, pasi Prokuroria e Posaçme Kundër Korrupsionit dhe Krimit te organizuar, SPAK, nuk ka pranuar aktet hetimore dhe ia ka kthyer ççshtjen sërish Prokurorisë së Dibrës.

Këta të fundit, prokurorët Rifat Kojku dhe Belina Zeneli shpallën moskopetencën që me datë 22 janar të këtij viti dhe e dërguan në SPAK, me argumentin se është detyrë e SPAK të hetojë zyrtarët e lartë të cilët dolën zbuluar në përgjimet e publikuara nga gazeta gjermane “Bild”.

I kontaktuar nga Abc Neës Drejtuesi i SPAK Arben Kraja tha se vendimi për mospranimin e akteve të dosjes 184 është marrë më 27 janar 2020.

Çështja u regjistrua fillimisht nga ish-prokuroria e Krimeve të Rënda e cila e zvarriti per më shume se dy vite hetimet. Në 2019, prokurorët e Krimeve të Rënda shpallën moskompetencë për të vazhduar hetimet e transferuan në DIbër. Ata arritën në përfundimin se kjo çështje nuk i përkiste atyre, pasi provat nuk tregonin një “grup të strukturuar kriminal” të përfshirë në shitblerje votash. Për këtë arsye në gusht te vitit qe shkoi, u vendos kalimi i kësja dosje nga Krimet e Rënda në Prokurorinë e Dibrës. Kalimi i dosjes në prokurorinë e Dibrës u bë në shkelje të ligjit procedural penal, por edhe të praktikave të mëparshme të Prokurorisë së Krimeve të Rënda.

Ndërkohë, prokuroria e Dibrës i kërkoi Prokurorisë së Përgjithshme, të asaj kohe Arta Marku , që kjo dosje të hetohet nga Krimet e Rënda, pasi objekt i hetimit është një grup i strukturuar kriminal.
Gjithashtu, organi i akuzës së Dibrës e kishte argumentuar kërkesën e saj me faktin se kjo prokurori nuk kishte staf të mjaftueshme për të kryer hetimet. Por asokohe Arta Marku vendosi përfundimisht që dosja të hetohet nga Prokuroria e Dibrës.

Në qershor 2019, gazeta gjermane BILD publikoi përgjimet zyrtare të prokurorisë që tregonin shit-blerjen e votave, përdorimin e policisë dhe frikësimin e nëpunësve të administratës për të votuar kandidatin e Partisë Socialiste Muharrem Rama në zgjedhjet vendore 2016. Në përgjime, degjohen, deputetë e zyrtare te larte të partisë socialiste si Damian Gjiknuri, Pjerin Nderu, Fatmir Xhafa, Sajmri Tahiri si dhe eksponenti, Ymer Lala teksa bisedojnë me zyrtarë vendorë të Qarkut të Dibrës për atë që opozita e ka kosnideruar si “masakër elektorale”. Sipas Bild edhe vetë Kryeministri Rama rezultoi i perfshirë në përgjime.

Në 15 janar 2020 Sekretari i Përgjithshëm i PD, Gazment Bardhi kërkoi zyrtarisht të njihej me gjetjet e dosjes dhe kërkoi që dosja t’i dërgohej Prokurorisë së Posaçme Antikorrupsion. Dhe këtë të martë vendimi u mor: Dosja 184 do të vazhdojë të endet nëpër sirtaret e prokurorive edhe pse është çështja më e nxehtë dhe më tronditëse e politikës shqiptare./abcnews.al

robert42-1.jpg
R D13:39 | 20/01/2020

Prokuroria kërkon arrest me burg për 7 të arrestuarit e operacionit “Tranzit” mes tyre edhe vëllai i ish-shefit të Qarkullimit Dibër, Robert Aga. Ky i fundit ka dalë në përgjimet e Bild për blerjen e votave në Diber. (“Jam ushtari yt”, shkarkohet nga detyra kreu i Policisë Rrugore Dibër)

Prokurori i çështjes Robert Kote thotë se provat më të forta për grupin kriminal janë përgjimet dhe procesverbali i lendes narkotike prej 32.5 kg kanabis në formë çokollate. Seancat për masat e sigurisë do të zhvillohet nesër në gjykatë.

Të arrestuarit për drogë:

Pajtim Aga (vëllai i shefit të policisë)
Edmond Rajta
Pajtim Aga
Shkëlzen Mazari
Devis Mija
Fatjon (Paulin) Dodaj
Marsida Piperi
Arjet Halilaj

Njoftimi i policisë për operacionin ku u arrestua Pajtim Aga

Seksioni për Hetimin e Narkotikëve në Drejtorinë Vendore të Policisë Tiranë, në bashkëpunim me Sektorin e Forcës së Posaçme në Drejtorinë e Policisë së Shtetit dhe DVP Dibër, në bazë të informacioneve të siguruara në rrugë operative nga burime të ndryshme, finalizoi me sukses operacionin e koduar “TRANZIT”, si rezultat i të cilit bë i mundur arrestimi në flagrancë i shtetasve:

-E. R., 52 vjeç, banues në Tiranë, i dënuar më parë për veprën penale ”Moskallëzim krimi”.

-P. A., 51 vjeç, banues tek ish-stacioni i Trenit, Tiranë, i dënuar më parë për veprën penale “Prodhimi dhe shitja e narkotikeve” kryer në bashkëpunim.

-Sh. M. 51 vjeç, banues në Kombinat, Tiranë, i dënuar për veprën penale “Falsifikim dokumentesh”.

-D. M., 20 vjeç, banues në Kombinat, Tiranë.

-F. D., 37 vjeç, banues në Shëngjin.

-M. P., 32 vjeçe, banuese në Gjirokastër.

-A. H., 38 vjeç, banues në Lezhë.

Nga ana e Seksionit për Hetimin e Narkotikëve të Drejtorisë Vendore të Policisë Tiranë, në bashkëpunim me Sektorin e Forcës së Posaçme në Drejtorinë e Policisë se Shtetit dhe DVP Dibër ishin grumbulluar informacione në rrugë operative se shtetasit e lartpërmendur kishin siguruar lëndë narkotike të llojit “Cannabis sativa në formë çokollate” në shtetit grek, lëndë të cilën e kishin kaluar nëpërmjet kufirit nga Konispoli, nëpërmjet dy shtetasve me banim në Gjirokastër.

Me pas lënda narkotike do transportohej në qytetin e Tiranës, me qëllim për ta nisur më vonë në një qytet në veri të vendit, për ta trafikuar jashtë Shqipërisë.

Gjatë operacionit në cilësinë e provës materiale u sekuestruan 32.5 kg lëndë narkotike canabisa sativa në formë çokollate, 6 aparate celulare dhe 2 automjete.

Materialet procedurale i kaluan  Prokurorisë pranë Gjykatës së Shkallës së Parë Tiranë, për veprime te mëtejshme hetimore, për veprën penale ”Prodhimi dhe shitja e narkotikëve”, kryer në bashkëpunim.

Përgjimi i Bild, Robert Aga flet me Qefalinë dhe Tahirin:

Bert Aga: O shoku im si je?

Xhemal Qefalia: Mirë! Jam në një tavolinë, ku ke qef me shku ti në Bulqizë e?

Bert Aga: Po

Qefalia: Ok, hajt ciao!

Bert Aga: Kush të tha ty?

Qefalia: jemi këtu me kryeminsitrin dhe me ministrin

Bert Aga: Unë u garantoj tu jap çfarë tu dojë qejfi. Më çoni për zgjehdje

Qefalia: Se mos binë atë Bert kehsin aty, si thua ti?

Bert Aga: Mirë mo

Qefalia: Të betohem.  Do noj foto nga tavolina të ta tregoj?

Bert Aga: Se mos ke noj fdashnore…

Qefalia: Pse e mbylle, ja ta qes i çikë ministrin ti folësh se na çave b*thën, na foli. Saimir na foli icikë këtij shefit të komisariatit Bert Agës, na foli i cikë.

Saimir Tahiri: Alo, o Berto

Bert Aga: Mirmbrëma, si je?

Saimir Tahiri: Nuk shkon kjo punë, që ma jep Qemali telefonin që të të falënderoj unë ty…

Bert Aga: Jo mo, të lutem

Tahiri: As nga ana institucionale nuk shkon…

Bert Aga: Sinqerisht më ka gënjyer

Tahiri: megjithatë faleminderit shumë për angazhimin, je i madh

Aga: E kam detyrim …

Tahiri: Edhe mos e rruaj k..in për ata që thonë ata, se se rruajmë trapin për ata legena

Aga: Unë jam ushtari jot …

Qefalia: Ke të fala dhe nga Ulsiu, do ti flasësh … Foli icikë Ulsiurt

Manja: ku je mo vlla

Aga: Ca bëre si je?

Manja: Hic mo, ja me kryeministrin

Aga: mu më duhet me shku pak atje

Manja: Ku mo?

Aga: Ke Bulqiza, po u ndërrumë ..

Manja: Ne themi të shkosh për më lart o burrë.

Aga: Mirë mo mirë, ju e dini …

Manja: Dëjo mua, fol me Xhemalin se ai ëhstë te Komisioni i sigurisë. Ne po kërkojmë të vish për më lart, se të bësh nopj gjë më të madhe, se mua më duken gjëra të vogla ato o miku im.

Aga: Mirë mo mirë … Xhemalin e kam pas vartës atëherë

Manja: ore ëhstë kryetar i komisionit të sigurisë

Aga: Ai thotë jam ushtari i Berttit, se Bertin kam pas komandant..

Manja: në rregull në rregull…

Qefalia: Hë mor ti, që më çan trapin mua …

Aga: Po si ma nxjerr ministrin ti mua aty në telefon o k*qe …

Qefalia: Po je shoku im ti re mos më çaj k*rin mu.. A do ti flasësh Edit …?

Aga: Ej o vlla, atë dokumentin …

Qefalia: A je shoku im ti. Mos më çaj b*thën…

Aga: unë kam qenë dhe do jemë…

Qefalia: Hajde vlla ciao…

/abcnews.al

ff-1.jpg
in a14:32 | 19/01/2020

Pas tërmetit 4.5 ballë që ra në Kukës, një tjetër lëkundje e fortë me magnitutë 4.6 ballë është ndier në Dibër.

Në Kukës ka rënë rreth orës 1 të mesditës dhe ka qenë me thellësi 10 kilometër. Raportohet se lëkundjet kanë zgjatur disa sekonda kurse epiqendra ka qenë në Barrë të Kukësit, 18 km nga Kurbneshi dhe 15 km në veri-perëndim të Peshkopisë.

Deri tani nuk bëhet me dije nëse ka persona të lënduar apo dëme materiale.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono