Tentoi që të korruptonte policin për shkuar në BE, arrestohet në Rinas i riu nga Elbasani

schedule16:36 - 26 Tetor, 2020

schedule 16:36 - 26 Tetor, 2020

Një 22-vjeçar me inicialet R. A. nga Elbasani është arrestuar në Rinas, pasi tentoi të korruptojë punonjësit e Policisë Kufitare, me qëllim lejimin për të udhëtuar drejt vendeve të BE-së edhe pse nuk plotësonte kushtet.

Arrestimi i tij u bë pasi gjatë kontrollit të dokumentacionit dhe intervisitimit për qëllimin e udhëtimit në vendet e BE-së, duke qenë se nuk justifikonte qëllimin e lëvizjes dhe nuk plotësonte kushtet për të udhëtuar në hapësirën Schengen, i ka ofruar punonjësit të Policisë 50 euro, për ta lejuar që të vijonte udhëtimin.

Policia Kufitare apelon për të gjithë qytetarët që duan të udhëtojnë drejt vendeve të BE-së, që në rast se nuk plotësojnë kushtet për të lëvizur në hapësirën Schengen, të mos ndërmarrin asnjë veprim të kundërligjshëm, pasi do përballen me ligjin.

Dje policia kufitare sekuestroi 21.900 paund, të cilat një 35-vjeçare me inicialet J. G., britanike po tentonte që t’i fuste në Shqipëri pa i deklaruar./ db/Abcnews.al