Loading ...
Facebook ka pësuar një ndërprerje të madhe të shërbimit, duke lënë miliona përdorues pa qasje në platformë.
Problemet janë raportuar në disa prej shërbimeve të kompanisë Meta, përfshirë Facebook dhe Messenger, ndërsa përdorues nga vende të ndryshme të botës kanë raportuar vështirësi në hyrje, dërgimin e mesazheve dhe përdorimin normal të aplikacioneve.
Deri më tani, Meta nuk ka dhënë një shpjegim zyrtar për shkakun e ndërprerjes, ndërsa mbetet e paqartë se kur shërbimet do të rikthehen plotësisht në funksion.
Përdoruesit kanë shpërndarë raportime të shumta në platforma të tjera sociale, duke e cilësuar incidentin si një nga ndërprerjet më të mëdha të viteve të fundit për ekosistemin e Meta-s.
Autoritetet e kompanisë pritet të japin përditësime gjatë orëve në vijim, ndërsa ekipet teknike po punojnë për të identifikuar dhe zgjidhur problemin.
