Të paktën 48 viktima nga përplasjet mes fiseve në Sudan

schedule09:15 - 7 Dhjetor, 2021

schedule 09:15 - 7 Dhjetor, 2021

Të paktën 48 persona kanë humbur jetën gjatë përplasjeve mes fiseve në Darfur, sipas një njoftimi nga guvernatori i provincës Darfur ; ky është incidenti i dytë gjatë 3 javëve në Sudanin perëndimor. Në konflikt, u përfshinë anëtarët e fiseve arabe dhe afrikane.

“Përplasjet e së dielës zgjatën nga ora pesë e mëngjesit deri në katër pasdite”, tha guvernatori Abdullah.

Më 17 nëntor, nisi një konflikt për vjedhjen e deveve, të cilët shkaktuan  50 viktima, u dogjën  594 shtëpi, sipas OKB-së. Më shumë se 6,600 njerëz janë zhvendosur, një e treta e të cilëve janë zhvendosur në Çadin fqinj, shtoi burimi.

Qasja në Sudanin Perëndimor është “e kufizuar” në një kohë kur shumë banorë kanë nevojë për “ushqim, ujë, strehim dhe shërbime shëndetësore”, tha OKB.

Në Darfur, një zonë e madhe që shpesh është e përfshirë nga nga trazirat, kryesisht për shkak të mosmarrëveshjeve për tokën dhe ujin, në vitin 2003 shpërtheu një luftë duke shkaktuar të paktën 300,000 të vdekur dhe 2.5 milionë njerëz u  zhvendosën, sipas Organizatës së Kombeve të Bashkuara, shkruan abcnews.al

Gjykata Ndërkombëtare Penale (ICC) dëshiron të gjykojë ish-diktatorin e rrëzuar Omar al-Bashir, i cili u rrëzua në vitin 2019, për “gjenocid” dhe krime kundër njerëzimit gjatë konfliktit në Darfur.

Milicia arabe Janjaweed, e cila ka urdhëruar vendosjen e regjimit të Bashirit kundër fiseve të ndryshme në Darfur, është akuzuar gjithashtu për “spastrim kombëtar” si dhe për përdhunim sistematik. Megjithatë, që atëherë, mijëra prej tyre janë bashkuar me partinë e gjeneralit Mohamed Hamdan Daglo.

Përveç kësaj, disa ish-udhëheqës rebelë të Darfurit i janë bashkuar qeverisë së re pas përmbysjes së Bashirit pas nënshkrimit të një marrëveshjeje paqeje me Khartoum në tetor 2020.

/abcnews.al