Studiuesit në Teksas krijojnë filtrin e ajrit që vret koronavirusin

schedule18:20 - 12 Korrik, 2020

schedule 18:20 - 12 Korrik, 2020

Studiuesit nga Universiteti i Hjustonit kanë bërë një përparim në luftën kundër koronavirusit.

Sipas një raporti të publikuar kohët e fundit nga universiteti, studiuesit kanë krijuar një filtër ajri që “kap dhe vret”.

Ata thonë se ky filtër mund të bllokojë  COVID-19 duke e zhdukur atë menjëherë.

Filtri është krijuar nga Zhifeng Ren, drejtor i Qendrës Texas për Superconductivity në UH, Monzer Hourani, CEO i Medistar dhe disa studiues të tjerë.

Studiuesit raportuan që testet e viruseve në Laboratorin Kombëtar Galveston gjetën 99.8% të koronavirusit  që u vra në një kalim të vetëm përmes filtrit, i cili është bërë nga shkuma e nikelit.

Sipas studiesve, filtri vrau gjithashtu edhe 99.9 % të sporeve të antraksit gjatë testimit.

 “Ky filtër mund të jetë i dobishëm në aeroportet dhe aeroplanët, në ndërtesat e zyrave, shkollat ​​dhe anijet e lundrimit për të ndaluar përhapjen e COVID-19. Aftësia e tij për të ndihmuar në kontrollin e përhapjes së virusit mund të jetë shumë e dobishme për shoqërinë”, u shpreh Ren, MD Anderson Kryetar Profesor i Fizikës në UH.

Ndërkohë drejtuesit e Medistarit kanë propozuar gjithashtu një model të nivelit të lartë, i aftë për të pastruar ajrin në mjedisin e zyrës.

Studiuesit e dinin që virusi mund të qëndrojë në ajër për 3 orë.

Pas izolimit, me rihapjen e bizneseve, pati një urgjencë të shtuar për të kontrolluar përhapjen e virusit në hapësirat me ajër të kondicionuar./abcnews.al