“Shtëpi bari” në Angli, e pëson i riu shqiptar

Klevi Mone, një i ri shqiptar është arrestuar nga policia britanike për shkak se është kapur me “shtëpi bari” ku kishte kultivuar mbi 1100 rrënjë kanabis.

Sipas mediave angleze nëse do të shitej në tregun e zi, droga do të kapte një vlerë prej 200 mijë paundësh.

Mone mësohet se ka deklaruar se kishte 20 mijë paund borxhe dhe kjo ishte arsyeja pse ai ishte detyruar që të merrej me një punë te tillë.

Teksa policia bastisi banesën e tij ku kishte kultivuar kanabisin, Mone tentoi që të largohej duke u hedhur nga një vrimë e madhe e tavanit. /abcnews.al/