Shembja e pallatit me eksploziv në Durrës, plagoset specialisti i batalionit të xhenios

schedule17:08 - 3 Tetor, 2020

schedule 17:08 - 3 Tetor, 2020

Një specialist i batalionit të xhenios është lënduar pasditen e sotme nga shpërthimi dhe rrëzimi me eksploziv i një pallati 12-katësh në Durrës.

Ministria e Mbrojtjes thotë se operacioni ka shkuar mirë, por Abc News mëson se specialisti i xhenios përfundoi në spital nga plagët që mori.

Specialisti i xhenios ka marrë lëndime të lehta në nofull si pasojë e shpërthimit, thanë burime për Abc News.

Ministria e Mbrojtjes thekson se ky është konsideruar një nga operacionet me të vështira deri tani,  “pasi u desh një punë voluminoze për hapjen e mbi 3000 furnelave nga ekspertet e batalionit te xhenios.

Procesi ka filluar që në muajin korrik 2020 dhe u finalizua pasditen e kesaj te shtune. Për realizimin e ketij operacioni u përdor një sasi e konsiderueshme lënde plasëse, mjete transporti dhe  39 specialistë të batalionit të xhenios” thuhet në njoftim./ db/Abcnews.al