Sergio Ramos merr vendimin final, Laporta ka vetëm një dëshirë për sulmin

schedule09:59 - 29 Prill, 2021

schedule 09:59 - 29 Prill, 2021

Sergio Ramos ka marrë një vendim për të ardhmen, ndërsa Joan Laporta ka zgjedhur se çfarë dhurate do t’i bëjë trajnerit Koeman dhe tifozëve katalanas në merkato.

Kapiteni i Real Madrid del lojtar i lirë në fund të sezonit. Shumë është përfolur për një largim nga “Los Blancos”, por mbrojtësi andaluzian ka zgjedhur të qëndrojë.

Mediat spanjolle raportojnë se 35-vjeçari, pjesë e Real Madrid prej viti 2005, është gati të pranojë uljen e rrogës me 10% nëse oferta e Realit është 2-vjeçare, pra deri në verën e vitit 2023.

17.3 milion euro në sezon përfiton qendërmbrojtësi, duke qenë lojtari më i paguar te kampionët e Spanjës pas Eden Hazard. Familjarët e kanë këshilluar të vazhdojë të luajë me ekipin ku kapi majat dhe ka shkruar historinë.

Tani topi ka kaluar te Florentino Perez, presidenti i Realit. Ndërkohë, Joan Laporta po punon fort për të transferuar në “Camp Nou” Erling Haaland.

Kreu i Barcelonës ka zgjedhur norvegjezin si qendërsulmuesin e ardhshëm të  Barcelonës dhe po tenton të gjejë një akord me gjermanët e Borussia Dortmund. /abcnews.al