Loading ...
Në 186 ditët e para të vitit 2022 në SHBA ka pasur plot 311 raste të të shtënave masive me armë.
Më e fundit ishte në Illinois, në 4 korrik, kur një 22-vjeçar vrau 6 persona dhe plagosi dhjetëra të tjerë.
Lexo edhe: FOTO/ Policia amerikane arreston 22-vjeçarin që përgjaku Ditën e Pavarësisë në Illinois
Të dhënat janë bërë me dije nga Arkivi i Dhunës me Armë, një organizatë jofitimprurëse që gjurmon incidentet e dhunës me armë në të gjithë vendin.
Deri në 5 korrik, sipas arkivit, ka pasur të paktën 311 të shtëna masive që nga fillimi i vitit. 5 korriku është dita e 186-të e vitit 2022.
Arkivi i Dhunës me Armë i përkufizon të shtënat masive si ngjarjen në të cilën të paktën katër persona janë qëlluar, duke përjashtuar sulmuesin.
Viti i kaluar ishte viti më i keq i regjistruar që kur Arkivi i Dhunës me Armë filloi të gjurmonte të shtënat masive në 2014. Sipas organizatës fitimprurëse, ka pasur gjithsej 692 të shtëna masive në SHBA në vitin 2021. /abcnews.al
