Policia nuk ka lejuar gjatë mbrëmjes së të premtes që studentët të marrin një ngrohëse me gaz para kryeministrisë. Ky vendim i policisë ka krijuar një lloji tensioni mes studentëve dhe polcisë para godinës së Kryeministrisë. Studentët thirrën në kor “turp-turp” gjatë kohës që policia ka sekuestruar bombulën e gazit. Pasi policia ka bllokuar ngrohëset prej gazi, studentët u shprehen se do vijojnë të qëndrojnë gjatë gjithë natës para Kryeministrisë, pavarësisht temperaturave të ulëta dhe reshjeve të shiut.
Punonjësit e policisë na penguan, këtu është bërë një shtetrrethim, te kjo rruga kam numëruar 10 policë, janë shtuar forcat e policisë kudo. Nuk plotësuan procervebal për ata që morën. Nuk tërhiqemi nga qëndresa jonë natën. Kryeministri mund të deklarojë çfarëdolloj gjëje në media, por ky është realiteti”- shprehen studentët të cilët janë në ditën e 10 të protestës së tyre./abcnews.al
