studentët

studentet.jpg
ger ta08:28 | 21/02/2020

Në studion e “Abc-ja e mëngjesit” me Enkel Demin ishin sot dy studentët Klara Begolli dhe Enriko Peçuli, të Lëvizjes për Universitetin.

Dy studentët protestuan dje te Pallati i Kongreseve në kohën kur po mbante fjalën kryeministri Rama. Madje Enriko u shoqërua në komisariat. Ky i fundit në shenjë revolte ngriti zrëin nga salla duke thënë se “diplomat e tij janë bileta për arratisje”. Ndërkohë Rama iu drejtua të pranishme t’i jepnin recetën.

Për të shpjeguar këtë situatë, dy studentët ishin në studio me Enkel Demin. Sipas tyre gjithçka ndodhin pasi donin që t’i tregonin kryeministrin relaitetin tjetër dhe jo atë që po fliste ai.

Pjesë nga intervista në studio:

Enkel Demi: Dje ka qenë një ceremoni në Pallatin e Kongerece për të dhënë diploma të Universitetit të Mjekësisë. Dhe”Lëvizja për Universitetin” zgjodhi që të prishte festën, keni protestuar në momentin që po  fliste Edi Rama. Enriko ti je ai personi që Rama tha shkoni dhe jepini ilacet dhe ju ju morën dhe ua dhanë në Komisariat. Ti dhanë ilaçet apo jo, ai e kishte merak këtë si porosi nuk e di a ti dhanë?

Enriko Peçuli: Zakonisht punonjëisit e komisariateve kanë siklet kur ndodhin gjëra të tilla. Kanë qenë edhe herë të tjera të jem në komisariat. E kanë siklet, nuk të japin ilace

Enkel Demi: Sillen mirë?

Enriko Peçuli: Po aq sa lejon arsyeja brenda një komisariati.

Enkel Demi: E kam fjalën ë nuk të kanë dhunuar. Pse e bëtë këtë gjë?

Klara Begolli: Kryeministri që zgjodhi të bënte propagandën e radhës te universiteti i mjekësisë, po tregonte përrallën e lumtur. Por harroi që kjo përrallë të binte ndesh me realitetin se studentët e mjekësisë janë ata që po largohen dhe jo vetëm. Por edhe mjekët janë largua në Gjermani.

Enkel Demi: Enriko ti e ke personalisht me kryeministrin?

Enriko Peçuli: Jo unë e kam me pozicionin e tij si kryeministër.

Enkel Demi: Ju i thatë diplomat që jepni ju janë bileta për arratisje. Ajo që më nbëri përshtypje është se kishte edhe duartrokitje në klasë.

Enriko Peçuli: Po normalisht edhe pse ishin për një arye tjetër. Studentët solidarizohen me ne, por nuk mundej të mbetej pa përmendur se arsimi nuk ishte në nivelet e duhura.

Enkel Demi: Pati edhe të tjerë që qeshën?

Enriko Peçuli: Ne nuk pretendojmë se të gjithë janë me ne

Enkel Demi: Kush të nxorri jashtë?

Enriko Peçuli: Garda e Republikës.

Enkel Demi: Ti ke punuar turni i tretë, je djalë i mirë. Po pse nuk e mbyll gojën, që të mos flasësh

Enriko Peçuli: Por nuk kam asgjë për të humbur.Unë po diskutoja edhe në komisariat se të pyesin pse i bëni këto gjëradhe unë i them që nuk kam ambicie dhe nuk kam asgjë për të humbur.

Enkel Demi: Ju jeni të organizuar politikisht se dje ka qenë edhe 20 shkurti

Klara Begolli: Ne jemi aktivistë të lëvvizjes për universitetin

Enkel Demi: Atëherë do e bëjmë kështu sa herë të keni nevojë për ilace pas komisariatit ejani në studio.

/abcnews.al

 

edi-rama-2.jpg
nev ila19:07 | 20/02/2020

Kryeministri Edi Rama ka marrë pjesë në ceremoninë e diplomimit të 1600 studentëve të Universitetit të Mjekësisë. Gjatë fjalës së tij, kryeministri Rama është hasur me një situatë jo të këndshme kur një i ri i ka ngritur zërin.

Si fillimin kryeministri e ka marrë me sportivitet këtë situatë, pasi me batutë ia ka kthyer studentëve që ai ishte individi i parë ku ata mund të ushtronin profesionin.

“….Diplomën e duan si bileta për arratisje….” (dëgjohet në sallë).

“Është një individ në shërbimin tuaj që të filloni të ushtroni profesionin. Merreni, jepini recetën e duhur. Në kohën e kaq shumë barnave të rimbursueshme i merr falas dhe nesër do të jetë më mirë”, tha Kryeministri menjëherë pasi dëgjoi studentin.

Por ndërsa Rama po ligjëronte për të mirat e paktit të Universitetit, studenti u hodhën sërish duke pyetur kryeministrin:

Studenti: A e dini që studentët që arsimohen sot janë vetëm të pasur?

Rama: Jepjani pra recetën atij tani.

Forcat e sigurisë së Kryeministrit kanë bërë menjëherë shoqërimin e studentit që guxoi të ndërhynte gjatë fjalës së kryeministrit, jashtë ambienteve të pallatit të Koncerteve.

“Ndërkohë që djalin duhet ta shoqëroni të marrë shërbimin e shpejtë mjekësor, pyetja që a e dini që studentët që arsimohen sot janë vetëm të pasur ka përgjigjen që kjo është e pavërtetë. Sot ndryshe nga deri dje studentët janë të trajtuar më mirë se deri dje dhe këtë e dini të gjithë ju që jeni këtu dhe prindërit tuaj. Tek  ata që janë të shkëlqyer ka plot që janë me vështirësi ekonomike”, tha Rama./abcnews.al

Pallati i Koncerteve – 1600 studentë të Universitetit të Mjekësisë diplomohen sot, brezi i i ri mjekëve dhe infermierëve që janë dëshmitarë të Paktit për Universitetin dhe punësimit mbi baze merite.Në këto dy vite kemi punësuar rreth 400 mjeke dhe 2200 infermiere😊#ShqipëriaqëDuam🇦🇱☀️#ShëndetësiaqëDuam🚑🏥🔬🩺

Gepostet von Edi Rama am Donnerstag, 20. Februar 2020

 

maksi.jpg
in a08:52 | 23/01/2020

Studentët e universiteteve pubike shqiptare u janë rikthyer protestave për ta detyruar qeverinë e kryeministrit Rama të përmirësojnë kushtet e mësimit.

Ata kanë folur për “ABC News”, ku edhe janë shprehur se protestat nuk do të ndalen.

“Kemi qënë pak sepse kemi pasur sabotime nga ana e pedagogëve Partiakë apo opozitarë nuk ka pasur, kemi qenë të gjithë për të kërkuar të drejtat tona. Nesë do të kishte partiakë do të kishte udhëheqës”, u shprehën studentët.

Studentët thanë për gazetarin Maksi Rama se pedadogët kanë bërë presione për të mos lejuar zhvillimin e protestës.

Pyetje: Si ka qenë reagimi i studentëve që nuk ishin të pranishëm dhe pedagogëve?

Studentët: Kanë bërë presione, kanë mbyllur dyert që të mos dalin studentët në protestë.

“Deri tani kemi mbledhur 5 mijë firma, synojmë mbledhjen e 20 mijë firmave të cilat do të shkojnë në Parlament. Gjatë këtyre dy javëve do të arrijmë ti mbledhim. Protestat nuk kanë mbaruar pritet që të jenë më shumë”, u shprehën ata.

Pyetje: A ka pasur reagim nga Ministria e Arsimit?

Studentët: Deri tani asnjë institucion ende nuk ka reaguar, qëllimi kryesor është të mbledhim 20 mijë firma dhe ti çojmë në parlament. “Pakti për Universitetit ishte propozim i qeverisë dhe jo i jonë dhe asnjë pikë nuk është plotësuar”, thanë më tej studentët./abcnews.al

stu.jpg
in a14:38 | 22/01/2020

Një grup studentësh bojkutuan mësimin gjatë së mërkurës dhe protestuan para Universitetit Politeknik pasi sipas tyre Pakti për Universitetin nuk është zbatuar. Studentët theksuan se për sa kohë qeveria nuk do zbatojë kërkesat e tyre, ata do t’i rikthehen sërish protestave në javët në vijim.

Një grup studentësh nga Universiteti i Tiranës bojkotuan mësimin dhe iu rikthyen protestave rreth 13 muaj pas protestave masive të dhjetorit të 2018.

Studentët u shprehen se “Pakti për Universitetin” i miratuar nga qeveria nuk është zbatuar, duke renditur dhe një sërë problematikash si përgjysmimi i tarifave të studimit apo edhe kushtet në konvikte

“Kushtet nuk kanë ndryshuar, tarifat janë shumë të shtrenjta. Asnjë pikë e paktit nuk është ndryshuar”, shprehen studentët.

“Pakti për Universitetin ishte një gënjeshtër totale. Karta e studentit nuk më hyn në punë për asgjë”, thotë një tjetër student.

Gjatë protestës së zhvilluar pranë Universitetit Politeknik nga studentë të fakulteteve të ndryshme, studentët theksuan se do mblidhen sërish në protesta.

“Ne do të bëjmë të pamundurën që kjo protestë të mos mbarojë këtu, por të vijë me ndryshime të mëdha”, u shprehën studentët.

Në fund të protestës paqësore e cila zgjati rreth 1 orë studentët nisën mbledhjen e firmave për rrëzimin e Ligjit të Arsimit të Lartë, pasi sipas tyre nuk i shërben aspak studentëve./abcnews.al

ACMS-SPITALI-AMERIKAN-1280x720.jpg
ent ela22:37 | 23/11/2019

Komiteti Shqiptar i Studentëve të Mjekësisë, një organizatë e krijuar së fundi, mblodhi në Tiranë Asamblenë e tij të parë.

Për ministren e Shëndetësisë dhe Mbrojtjes Sociale Ogerta Manastirliu, ajo që i bën bashkë këta studentë shkon përtej interesave të momentit.

Manastirliu premtoi mbështetjen e Ministrisë së Shëndetësisë për edukimin e studentëve të mjekësisë përmes programeve të ndryshme në vazhdimësi si dhe me specializime pas studimeve.

Komiteti Shqiptar i Studentëve të Mjekësisë është organizata e parë në vend, e njohur zyrtarisht nga Organizata Ndërkombëtare e studentëve të Mjekësisë. /abcnews.al

AP19321576477715-760x507.jpg
nev ila12:03 | 18/11/2019

Në përvjetorin e revoltës studentore në Greqi, me mijëra të rinj të Partisë Socialiste marshuan në rrugët e Athinës, duke kërkuar rivendosjen e norms, që ndalon hyrjen e forcave të rendit në ambientet e universiteteve.

Studentët grekë marshuan në rrugët e Athinës, duke shpalus flamurin kombëtar të njollosur me gjak, i cili është ruajtur për 46 vjet nga të rinjtë e partisë socialiste. Kjo gjë ndodh cdo 17 nëntor, ditë kur automjetet e blinduara të policisë hynë në Politeknik për të shtypur me dhunë lëvizjen studentore, me urdhër të regjimit të kolonelëve. Atë ditë u vranë 24 studentë.

Pak para marshimit që nisi mbrëmjen e së dielës, u regjistruan përplasje të dhunshme në rrugët e kryeqytetit grek. Autoritetet arrestuan 28 persona, që sipas mediave vendase gjendeshin në catinë e një ndërtese me maska anti gaz, bomba  Molotov  dhe gurë.

Pasditen e së dielës më shumë se 20 mijë persona marshuan nga politekniku deri në ambasadën amerikane.

Një nga manifestueset u shpreh se kishte qenë e revoltës stuedentore. Ndërsa tani po protestonte për varfërinë, për njerëzit që nuk kanë asgjë për të ngrënë dhe për problemet që po kalon vendi.

Gjatë marshimit, që zgjati katër orë, shumë parulla të manifestuesve ishin kundër diktaturës, policisë dhe shteteve të bashkuara të amerikës që akuzohen se kanë mbështetur juntën ushtarake në ato vite.

Pas gjysëm shekulli, lëvizja studentore përjeton një tjetër vjeshtë të nxehtë pas anulimit të azilit universitar, normës që, përvec rasteve të jashtëzakonshme, ndalon hyrjen e forcave të rendit në ambjentet e universiteteve. Sipas studentëve në protestë ky është një hap prapa i rrezikshëm./abcnews.al

protestaaa.jpg
ger ta08:11 | 18/11/2019

Në 4 dhjetor studentët kanë paralajmëruar nisje sërish të protestave. Ndërkohë, një grup studentesh të “Lëvizjes për Universitetin”, dhanë detaje në emisionin “Abc-ja e Mëngjesit”, me Enkel Demin.

Sipas tyre nuk do të ketë negociata me qeverinë, por vetëm plotësim të kërkesave të tyre. Ndërkohë, njëra prej përfaqësuesve të studentëve tregoi edhe incidentet me policinë, ku sipas saj qeveria po ushtron presin.

Demi: Deri në ç’masë jeni të gatshëm të negocioni?

Studentja: Nuk ka fare negociata. Ai ka bërë monolog me veten. Janë riparuar konvikte por para 1 muaji ra tavani që do të thotë se nuk është realizuar, dhe është fasadë.

Demi: Ju keni pasur një përplasje me policinë në Qytet Studenti?

Studentja: Atë ditë kemi qenë duke protestuar, “kushtet si në Afrikë dhe tarifat si në Amerikë”. Policia na është përgjigjur duke na dhunuar. Të gjithë studentët e “lëvizjes për Universitetin” ishin aty. Ne po informonin të gjithë studetët në QS.

Demi: Ju po bënit grafite, dhe ata nuk ju kanë lejuar, e dini që është e ndaluar?

Studentja: Nuk është e ndaluar. Tirana është e mbushur plot me grafite edhe të bizneseve private. Në momentin që kemi pasur dhunë nga policia, nuk është e paligjshme ajo që bëmë.

Demi: Ka pasur dje ndonjë incident që i ka shpëtuar medias?

Studentja: Ka pasur një incident, policia ka marrë dy aktivistë, u kanë bërë presin për të treguar planet e lëvizjes.

Demi: Ka presion nga qeveria?

Studentja: Po ka një plan të tillë.

Demi: Në radhë të parë ju sot do të keni një tjetër takim te Mjekësia?

Studentja: Sot do jetë informimi, nesër do jetë takimi në orën 11.00

Demi: Do shkoni drejt te ministria apo te qeveria se duket se vitin e kaluar kjo e përçau protestën

Studentja: Faktikisht institucioni përkatës është ministria dhe ne do vazhdojmë te ministria në 4 dhjetor./abcnews.al

MBULIM-PROTESTA-E-STUDENTEVE-ABC-M5-T2.mpg_snapshot_00.16-1280x720.jpg
ent ela22:21 | 14/11/2019

Një vit pas protestave masive para Ministrisë së Arsimit, studentët do t’i rikthehen sërish tubimeve kundër qeverisë për plotësimin e kërkesave, që sipas tyre nuk u arritën të plotësoheshin përmes Paktit për Universiteitn.

Lëvizja për Universitetin ka dalë zyrtarisht me datën e rinisjes së protestës studentore. “Më 4 dhjetor, në 1-vjetorin e nisjes së protestave madhështore të studentëve, mblidhemi sërish në protestë”, thuhet në njoftimin e Lëvizjes për Universitetin.

Studentët do të protestojnë kundër: Ligjit të arsimit të lartë; Financimit të universiteteve private; abuzimit me të drejtat e studentëve.

Ata kërkojnë: arsim cilësor, dyfishimin e buxhetit të arsimit të lartë; përgjysmimin e të gjitha tarifave; votë të barabartë studentë-pedagogë; kushte dinjitoze studimi dhe jetese dhe perspektivë punësimi profesional. /abcnews.al

studentet-protesta-1280x713.jpg
nev ila15:07 | 06/11/2019

“Pakti për Universitetin” sipas  Shoqërisë Civile nuk u realizua në kohë dhe në cilësinë e premtuar nga qeveria.  70% e studentëve sipas një sondazhi të kryer, tarifat e masterit i cilësojnë  të papërballueshme për gjendjen e tyre ekonomike ndërsa 83% e të rinjve konsiderojnë emergjencë nisjen e procesit të vettigut për pedagogët.

“Pakti për Universitetin” sipas  Shoqërisë Civile nuk u realizua në kohë dhe në cilësinë e premtuar nga qeveria.  70% e studentëve sipas një sondazhi të kryer tarifat e masterit i cilësojnë  të papërballueshme për gjendjen e tyre ekonomike ndërsa 83% e të rinjve konsiderojnë emergjencë nisjen e procesit të vettigut për pedagogët.

Protestat e studentëve u bën shkak për 11 vendime të Këshillit të Ministrave dhe 4 urdhra të kryeministrit,  por nuk plotësuan kërkesat e të rinjve. Studentët tregojnë se 1-vjetori i lëvizjes masive i gjen me të njëjtat kushte në universitete, pa vetting për pedagogët e me tarifa të larta për studimet e masterit.

Shoqëria Civile ka monitoruar zbatimin e “Paktit për Universitetin”  dhe pas një sondazhi të kryer në universitete thotë se rreth 70 % e studentëve, tarifat e nivelit master i konsiderojnë të papërballueshme për nivelin e tyre ekonomik.

Ministria e Arsimit, Sportit dhe Rinisë  ka shkelur premtimin për kontrollin anti- plagjiaturë, proces që duhet të niste në qershor të vitit 2019. Ndërkohë që 83% e studentëve e konsiderojnë nisjen e këtij procesi emergjent dhe të nevojshëm.

Biblioteka Dixhitale e cila i kushtoi qeverise rreth 700 mijë dollarë është përdorur vetëm  nga  5% e studentëve. Ndërsa procesi i zgjedhjes së përfaqësuesve të ministrisë në bordet e administrimit të universiteteve u shoqërua me mungesë transparence dhe në tejkalim të afateve të parashikuara.

“Qëndresa Qytetare” pasi ka analizuar situatën dhe ka dalë në përfundimin se “Pakti për Universitetin” nuk u realizua në kohën dhe cilësinë e premtuar nga qeveria./abcnews.al

ambasada-amerikane-1280x702.jpg
ent ela10:28 | 29/10/2019

“Studentët të ngrenë zërin kundër korrupsionit në arsimin e lartë”. Është kjo nisma e kësaj jave e ambasadës së Shteteve të Bashkuara në vendin tonë. Në njoftimin  saj në rrjete sociale ambasada thekson se: “Lufta kundër korrupsionit është prioritet i punës së Ambasadës së Shteteve të Bashkuara në Tiranë. Çdo javë do të nënvizojmë një nismë që kemi ndërmarrë për të luftuar korrupsionin në Shqipëri”.

Njoftimi i Ambasadës së SHBA

Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën.

Lufta kundër korrupsionit është prioritet i punës së Ambasadës së Shteteve të Bashkuara në Tiranë. Çdo javë do të nënvizojmë një nismë që kemi ndërmarrë për të luftuar korrupsionin në Shqipëri.

Këtë javë, mësoni më shumë mbi projektet që Ambasada e Sh.B.A-së ka financuar, në bashkëpunim dhe Këshillin Rinor të Ambasadës Amerikane dhe Komiteti Shqiptar i Helsinkit, për të ndihmuar studentët të ngrenë zërin kundër korrupsionit në arsimin e lartë. Mësoni më shumë: https://bit.ly/2PrTSlC #ShqiperiaLuftonKorrupsionin #NdalKorrupsionit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono