Loading ...
Ish-diplomati Roland Bimo komentoi kandidaturën e Wendt si ambasador i SHBA në vendin tonë. Bimo tha se qasja retorika e Donald Trump ndaj liderëve europianë krijojnë sfida në koordinimin e politikave dhe prioriteteve strategjike.
Bimo thekson se, në këto kushte, detyra e ambasadorit mbetet e vështirë në përshtatjen e strategjisë së sigurisë kombëtare të SHBA me realitetin rajonal dhe perceptimet mbi të ardhmen e Shqipërisë në BE.
“Ajo që ka penguar konfirmimin nga Senati është gjendja brenda SHBA. Sot që flasim situata në Senat deri në nëntor është në kontrollin e republikanëve, puna e tij do të jetë goxha e vështirë. Trump edhe kostumi i Jezus Krishtit i rri i ngushtë, Papën e trajton punonjësin e vet, ka një deklaratë në janar që thotë se mendja dhe morali i tij është gjykatësi.
Në këto kushte puna e tij është e vështirë sidomos kur do të duhet të zbërthejë strategjinë e sigurisë kombëtare të SHBA me gjendjen në vendin tonë, t’u thotë shqiptarëve që BE nuk është e ardhmja juaj. Ka të bëjë me një president që përbuzjen për liderët e Europës nuk ka tentuar as ta fshehë. SHBA historikisht, profili rritet kur ka figura të tilla, kur ka emërtime politike, por nuk e di a do të përkthehet në figurë.” / abcnews.al /
