Presidenca paralajmëron Ramën: Mos guxo të votosh koncesionin e Aeroportit

schedule11:55 - 3 Mars, 2021

schedule 11:55 - 3 Mars, 2021

Këshilltari dhe zëdhënësi i Presidentit Ilir Meta, Tedi Blushi ka reaguar pas deklaratave të kryeministrit Edi Rama në aktivitetin “Drejtësia që duam” në kuadër të zgjedhjeve të 25 prillit. Blushi, i ka kujtuar kryeministrit Rama koncesionin për afatin e Aeroportit të Rinasit.

POSTIMI I PLOTE

Shihni çfarë degradimi: Ramaforma gati për mandatin e tretë! Ha ha ha!

O shakaxhi i integrimit, nëse do kesh fatin të zgjidhesh deputet më 25 prill, me Presidentin Meta do takohesh sy më sy në Parlamentin e ri.
Si në 22 korrik 2016 kur ti nuk erdhe në ballafaqim por e votove Reformën në Drejtësi me bisht ndër shalë.

Ky ballafaqim është i pashmangshëm! Kurrë nuk do kesh shpëtim!

Madje do ftohen të gjithë partnerët tanë, që ti i përgojon dhe i diskrediton aq shumë.
Ti vazhdon të bësh ligje antikushtetuese me shpresën për ta vrarë totalisht besimin tek Drejtësia, që ti ke kapur.

Kjo i rëndon edhe më shumë rekordet e tua të zeza, por nuk e ndryshon dot fatin tënd të paracaktuar, që nuk mund të jetë fati i Shqipërisë dhe i shqiptarëve të ndershëm, pa dallime partiake.

Deri në mbledhjen e Parlamentit të ri, që do të dalë nga referendumi i 25 prillit, jepi zemër Ansamblit “Babëzia” dhe shtrëngo fort poturet e gjëra!

Dhe një paralajmërim: Mos guxo të votosh koncensionin e aeroportit! Ti e di mirë se çfarë të pret dhe nuk mund të thuash, që s’je paralajmëruar më herët për këtë./abcnews.al