Pochettino: PSG ka të gjithë forcën për të mundur Realin

schedule09:52 - 15 Dhjetor, 2021

schedule 09:52 - 15 Dhjetor, 2021

Pas një konfuzioni, Paris Saint-Germain përfundimisht do të përballet me Real Madridin në 16-finalet e Ligës së Kampionëve 2021/22.

Ndonëse kjo është një ndeshje më e vështirë për të dyja skuadrat sesa ishte caktuar fillimisht për të luajtur, trajneri i PSG-së, Mauricio Pochettino është i bindur se skuadra e tij mund të sigurojë kualifikimin.

“Do të jetë një ndeshje e vështirë sepse ata janë një ekip me një super trajner dhe super lojtarë”, tha argjentinasi në një intervistë për mediat zyrtare të klubit të PSG-së.

“Ne do të përballemi me Real Madridin, i cili është një ekip i mësuar të fitojë Champions League, një ekip me histori dhe shumë përvojë. Është e qartë se ne kemi një ndeshje shumë të vështirë.

“Fillon në shkurt, kështu që forma aktuale do të ketë pak rëndësi. E rëndësishme do të jetë që në shkurt të jemi në gjendjen tonë më të mirë të mundshme dhe të vlerësojmë çdo lojtar individualisht.

“Ka gjithmonë një element fati kur bëhet fjalë për formën e një skuadre. Për shembull, dëmtimet mund të ndikojnë në ekip. Kjo do të jetë një barazim me nokaut i luajtur në data të paracaktuara kur disa faktorë mund të ndikojnë në rezultatin.

“Sigurisht, duhet të kemi besim. Kemi një ekip të madh dhe futbollistë të mëdhenj me shumë talent. Nuk kam dyshim se do t’i qasemi ndeshjes në mënyrën më të mirë të mundshme dhe ende me shumë besim te lojtarët tanë.

“Ne kemi mjaft cilësi për të fituar këtë ndeshje dhe për të kaluar në raundin tjetër. Ky është objektivi i Paris Saint-Germain.”/h.ll/abcnews.al