Po prisnin autobusin për tu kthyer në shtëpi, ushtria ruse sulmon me raketa fabrikën në Donetsk, ka viktima

Dhjetë civilë janë vrarë dhe 20 janë plagosur pasi një raketë ruse goditi një fabrikë autobusësh në qytetin Avdiivka në rajonin Donetsk të Ukrainës, tha prokurorja e përgjithshme, Iryna Venediktova.

Policia e Ukrainës postoi në rrjetet sociale foto që tregojnë pasojat e sulmit në fabrikën e autobusëve, duke thënë se në momentin e sulmit punëtorët e fabrikës ishin duke pritur të hipnin në autobus pas mbaruan punën.

“Kjo është fytyra e vërtetë e forcave ruse, sisteme të shumta raketore lëshuese u qëlluan ndaj njerëzve që prisnin transportin publik në Avdiivka. 10 të vdekur, 20 të plagosur”, shkruan Iryna Venediktova në twitter.

Ndërkohë guvernatori i Donetsk Pavlo Kyrylenko tha se ushtria ruse e dinte saktësisht se ku do të sulmonte.

“Rusët e dinin saktësisht se ku synonin. Punëtorët sapo kishin përfunduar turnin e tyre dhe po prisnin në stacionin e autobusit për ti kthyer në shtëpi.”/abcnews.al/