Një këmbësore është përplasur për vdekje nga një automjet. Ngjarja ka ndodhur në Kamëz në rrugën “Skënderbej”, ndërsa viktima është 65 vjeçarja me iniciale D.D.
Në vendngjarje ka mbërritur policia, e cila ka nisur hetimet për të zbardhur shkaqet e aksidentit.
Tiranë, Informacion paraprak i Policisë
Me datë 10.04.2017, rreth orës 12:00, në Sallën Operative ka ardhur një telefonatë se në Kamëz, ka ndodhur një aksident.
Menjëherë në vendngjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në rrugën “Skënderbej” në Kamëz, mjeti me targë AA 598 DO, me drejtues shtetasin Rezart Koleci ka aksidentuar një këmbësore shtetasen D.D., rreth 65 vjeçe.
Për pasojë shtetësja D.D., ka humbur jetën.
Grupi hetimor po kryen veprimet për zbardhjen e plotë të aksidentit ndërsa drejtuesi i mjetit është shoqëruar në Komisariat për veprimet e mëtejshme.
/abcnews.al
