Përmbytjet në vend/ Rama: E kemi gati bilancin, problem mbeten rrëshqitjet e dherave nga shirat

schedule12:32 - 26 Janar, 2021

schedule 12:32 - 26 Janar, 2021

Kryeministri Edi Rama këtë të martë ka folur në lidhje me situatën e krijuar nga përmbytjet në vendin tonë ditët e fundit.

Shefi i qeverisë i është përgjigjur pyetjes së gazetares së ABC, Erblina Mile në lidhje me bilancin e krijuar nga përmbytjet në vendin tonë.

Rama  theksoi se është bërë bilanci i fazës më kritike dhe do të publikohet në fund të kësaj situate përmbytjesh.

Kemi bërë bilancin për fazën më kritike, tani jemi në një fazë më pak kritike. Po e ndjekim me shumë vëmendje, por është krejtësisht në nivele të arsyeshme, duke pasur parasysh intensitetin e madh të reshjeve. Problem janë rrëshqitjet në disa akse, pas reshjeve të shumta. Sa i përket përmbytjeve të tokave, ato janë minimale për momentin. Në fund të kësaj faze do të bëjmë edhe bilancin publik, pasi e kemi”, është shprehur kryeministri./abcnews.al