Loading ...
TIRANË- Gjykata e Posaçme ka pranuar kërkesën e avokatit të Sali Berishës për thirrjen e kryeministrit Edi Rama në procesin gjyqësor për dosjen “Partizani”.
Kryeministri Rama do pyetet si dëshmitar në cilësinë e ish-kryetarit të Bashkisë së Tiranës.
Sali Berisha po gjykohet për akuzën e korrupsionit pasiv të zyrtarëve të lartë pasi sipas SPAK në cilësinë e kryeministrit, ka ndërmarrë veprime konkrete në miratim ligjesh dhe aktesh nënligjore, ku përfitues ishte edhe dhëndri i tij.
Ndërkohë Jamarbër Malltezi është nën akuzë për korrupsion, por edhe për pastrim parash. Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij./abcnews.al
