Loading ...
Ajo që pritej ndodhi, dhe tani shpresohet që ta marrë veten shpejt.
Medon Berisha iu nënshtrua operacionit në këmbën e djathtë, në një spital të Finlandës, dhe siç bën të ditur klubi I tij, Leçe, gjithçka shkoi mirë.
Mesfushorin kuqezi e operoi profesori I njohur Lase Lempainem, ndërsa nuk janë dhënë afate për kohën e kthimit në fushë.
Gjithsesi, e sigurt është që Berisha e ka humbur sezonin, dhe mund të kthehet vetëm gjatë fazës përgatitore në verë.
Për shkak të lëndimit, ai i kishte humbur ndeshjet e Shqipërisë në plej ofin e Kupës së Botës.
Lojtari 22-vjeçar ishte dëmtuar që më parë, dhe për herë të fundit doli në fushë në 12 dhjetor të vitit të kaluar, në ndeshjen e Serisë A, Leçe-Piza, fituar 1-0 nga puljezët.
Më pas humbi 15 ndeshje të kampionatit italian, ndonëse u mendua se mund të kthehej që në janar.
Planet u prishën kur mesfushori pësoi dëmtim gjatë stërvitjes së diferencuar pak ditë më parë.
Një mëkat I vërtetë sepse Medon Berisha ishte vërtet në formë shumë të mirë në 2025-2026.
Në 13 sfida të Serisë A që luajti, shënoi dy gola dhe shërbeu 3 asistë, e madje u shpall tri herë lojtari më I mirë I ndeshjes.
