Nuk njohin vaksinat kineze dhe ruse? Tomini: Shqiptarët të ikin jashtë me tampon

schedule17:05 - 12 Maj, 2021

schedule 17:05 - 12 Maj, 2021

Shqiptarët këtë verë nuk do të pengohen për të udhëtuar jashtë kufijve të vendit. Zëvendës ministrja e Shëndetësisë, Eugena Tomini, tha se edhe nëse vendet europiane nuk njohin vaksinat kineze dhe ruse, shqiptarët do të udhëtojnë me tampon.

“Përveç aplikimit me pasaportën e vaksinimit është edhe tamponi 48-72 orë. Kështu që popullata shqiptare nga kryerja e njërës apo tjetrës vaksinë nuk do të privohet nëse kemi disa alternativa siç është pasaporta e vaksinimit me vaksinat e BE apo kryerja e një tamponi”.

Edhe ata persona që e kanë kaluar Covid, nuk mund të udhëtojnë vetëm më vërtetim pasi barkodet që njihen në kufi janë të vendosura vetëm tek certifikata e vaksinimit si edhe tek rezultati i tamponit.

“Ka individë të cilët mund ta kenë kaluar sëmundjen por nuk reflektojnë në gjak antikorpe, prandaj edhe nëse individët që kanë kaluar sëmundjen të kryejnë tamponin 48-72 orë” tha ajo për TV Klan.

Sipas Tominit testi serologjik nuk mund të tregojë prezencë antikorpesh nëse ka kaluar më shumë se një vit nga kalimi i sëmundjes. Deri tani asnjë vend në Europë nuk ka dalë me vendim final për të lejuar apo jo turistë nga vendet jashtë unionit./ Abcnews.al