Pedalet nisën të xhirojnë dhe rrotat të rotullohen. Edicioni i 108 i Xhiros së Italisë ngriti siparin nga Durrësi për etapën e parë të turin prestigjoz dhe nga më të vjetrit në historinë e çiklizmit që e kthen Shqipërinë sërish në një skenë të madhe të sportit.
22 skuadra dhe 194 çiklistë kaluan vijën e nisjes në qytëtin bregdetar dhe pritet të mbërrijnë në vijën e finishit në Tiranë, pasi do të përshkojnë 164 kilometra.
Etapa e dytë e Xhirosë së Italisë do të jetë e gjitha në rrugët e klryeqytetit. Ajo do të jetë gara e parë e kronometrit në këtë edicion të këtij turi, që do të projektojë ndoshta edhe favoritët.
Etapa a dytë është më e shkurtër, vetëm 13.7 kilometra. Çiklistët do të përshkojnë në disa prej rrugëve kryesore të kryeqytetit shqiptar deri në vijën e finishit…
Etapa e tretë dhe e fundit në tokën shqiptare e “Giro D’Italia” do të jetë më e vështira dhe më panoramikja.
Ajo do të nisë në Vlorë dhe do të përfundojë sërish në qytetin bregdetar pas 160 kilometrash. Kjo etapë ka në program edhe ngjitjen e parë malore, atë në qafën e Llogarasë.
Po ashtu përfaqëson edhe kartolinën më të bukur të Shqipërisë, pasi kalon në të gjithë rivierën në këtë nisje të sezonit turistik.
Për këtë arsye, Xhiro e Italisë nuk ka rëndësi vetëm nga ana sportive, por edhe një impakt në imazhin e vendit tonë, pasi pritet të ndiqety nga më shumë se 700 milion njerëz në 200 vende të ndryshme të botës./abcnews.al
