Nesër seanca për mocionin ndaj qeverisë Kurti, ambasadorët e Gjermanisë e Francës thirrje LDK: Ruani stabilitetin e vendit

23:20 | 24/03/202023:200

Kryesia e Kuvendit të Kosovës ka vendosur që seanca e thirrur nga LDK-ja për mocionin e mosbesimit ndaj Qeverisë Kurti të mbahet paradien e së mërkurës.

Lajmi është konfirmuar nga kreu i grupit parlamentar të Nisëms Haxhi Shala i cili ka sqaruar se për mbajtjen e seancës, kryesia e kuvendit ka vendosur me 4 vota pro dhe 2 kundër. Kundër mocionit është shprehur kryetarja aktuale e kuvendit të Kosovës Vjosa Osmani. Në një konferencë për mediat ajo ka thënë se beson tek qeveria Kurti të cilën e cilëson të qeveri të shpresës dhe të pakorruptuar. Osmani ka ftuar deputetët që të mos votojnë mocionin e mosbesimit të LDK-së. Kryetarja e Kuvendit ka shprehur shqetësimin edhe për mbledhjen e seancës ditën e mërkurë pasi sipas saj në kushtet e përhapjes së koronavirusit sallat nuk i plotësojnë kushtet.

Nga ana tjetër ambasadorët e Francës dhe Gjermanisë në Kosovë i bëjnë thirrje kreut të LDK-së të tërhiqet nga macioni i mosbesimit për të rrëzuar qeverinë Kurti. Përmes një letre drejtuar zëvendës kryeministrit Avdulla Hoti ambasadori gjerman në Kosovë Christian Heldt i ka kërkuar që në kushtet e sfidave me të cilat po përballet vendi, të njoftojë kreun e LDK-së Isa Mustafa të rishikojë qëndrimin e partisë së tij dhe të mbajë një qeveri të besueshme dhe stabile për t’u përballur me sfidat./abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono