Loading ...
Mbreti Abdullah II i Jordanisë i ka bërë thirrje komunitetit ndërkombëtar që të bëjë presion ndaj Izraelit që të ndalojë sulmet e tij në Gaza dhe t’i japë fund rrethimit të 2.3 milionë palestinezëve.
“Ne jemi kundër çdo përpjekjeje të Izraelit për të krijuar një eksod të palestinezëve ose për të zhvendosur brenda vendit banorët e Gazës”, tha Mbreti Abdullah, shkruan Al Jazeera.
Mbreti tha se “ndalimi i luftës në Gaza është një domosdoshmëri absolute dhe bota duhet të lëvizë menjëherë në këtë drejtim”.
Ai paralajmëroi se konflikti “mund të çojë në një shpërthim të situatës në rajon”.
Jordania, e cila kufizohet me Bregun Perëndimor të pushtuar në perëndim, thithi shumicën e palestinezëve që u larguan ose u dëbuan nga shtëpitë e tyre gjatë luftës që rrethoi krijimin e Izraelit në 1948./abcnews.al
