“Liqeni më ka shëruar”: Kishte dy muaj pa dalë, e moshuara nga Tirana e shijon xhiron

schedule12:33 - 25 Prill, 2020

schedule 12:33 - 25 Prill, 2020

Të moshuarit patën leje gjatë orëve të para të mëngjesit të sotëm deri në 11:00 për të dalë nga shtëpia dhe duket se shumica e tyre e ka shijuar xhiron.

Abc News intervistoi live gjatë paradites së sotme mjaft prej tyre, të cilët theksuan se i kishte munguar dalja.

Një prej të moshuarave që kishte dalë tek parku i Liqenit Artificial në Tiranë tha se kishte dy muaj që nukd dilte nga shtëpia.

Ajo tha se e kishte praktikë daljen nga liqeni pasi ai e shëronte.

Kam 30 vjet që kam dalë në pension dhe liqeni më ka shëruar. Hera e parë që dal nga shtëpia pas dy muajve. Kur kam qenë e re jam marrë shumë me sport, por dalja nga liqeni më ka mbajtur gjallë. Do bëj një xhiro tjetër dhe do të kthehem në shtëpi“, u shpreh e moshuara për mikrofonin e Abc News.