Kryeministrja franceze: Do i bëjmë kostot e luftës të papërballueshme për Rusinë

schedule22:30 - 3 Tetor, 2022

schedule 22:30 - 3 Tetor, 2022

Kryeministrja franceze Elisabeth Borne u tha ligjvënësve  se megjithëse lufta në Ukrainë do të zgjasë, Franca është gati dhe dëshiron që ta bëjë koston e luftës të papërballueshme për Rusinë.

Gjatë fjalimit të saj para dhomës së ulët të parlamentit të Francës, Borne theksoi se “Rusia ka të ngjarë të shkojë më tej në paligjshmëri dhe përshkallëzim” dhe se Franca “nuk do të dobësohet, as përballë agresorit rus dhe as për të mbrojtur francezët.”

“Lufta në Ukrainë do të zgjasë, por ne jemi gati, rezistenca e popullit ukrainas na detyron, ne do të jemi në lartësinë e saj”, tha Borne.

Franca ka dhënë më shumë se 200 milionë euro ndihmë për Ukrainën dhe 2,500 tonë materiale janë dorëzuar, sipas kryeministres.

Borne shtoi se sanksionet kundër Rusisë po funksionojnë.

“Qëllimi i Francës në konflikt është çmilitarizimi dhe jemi të vendosur që krimet e kryera nga Rusia të dokumentohen, gjykohen dhe ndëshkohen”, tha Borne.

Para fjalimit të Borne, deputetët nderuan ambasadorin e Ukrainës në Francë Vadym Omelchenko, i cili ishte i pranishëm në seancë. /abcnews.al