Koronavirusi ndryshoi rutinën tonë: Jeta e përditshme gjatë pandemisë

schedule10:17 - 29 Korrik, 2021

schedule 10:17 - 29 Korrik, 2021

Pandemia padyshim ka sjellë ndryshime të rëndësishme në jetën e përditshme të miliarda njerëz. 2020 ishte në fund të fundit, viti kur ne filluam të gatuam bukë në shtëpi dhe kaluam më shumë kohë më fëmijët e të dashurit tanë.

Ishte viti ku shumica punuan nga shtëpia, ishte viti i vetmisë për të moshuarit në azile dhe në të njëjtën kohë për personat që ishin të izoluar në apartamente të vogla. Në të vërtetë, sipas një sondazhi mbi shpenzimin  e kohës nga amerikanët, 2020 ishte viti i ndryshimeve rrënjësore.

Ishte gjithashtu  viti i përshtatjes dhe gjetjes së mënyrave inovative për të bërë të zakonshme, punën, blerjen, argëtimin dhe komunikimin. Vitin e kaluar, njerëzit kaluan shumë më pak kohë me personat jashtë familjes së tyre. Ata kaluan më shumë se 20 orë çdo ditë ose duke fjetur ose duke qëndruar vetëm, raporton abcnews.al

Të moshuarit vuanin më shumë nga vetmia, por të rinjtë, dhe veçanërisht adoleshentët, përjetuan ndryshimet më të mëdha në jetën e tyre shoqërore. Personat e moshës 15 deri në 19 vjeç kaluan gjashtë orë në ditë vetëm, ndërsa në 2019 koha mesatare që kaluan vetëm ishte 4,5 orë.

Ndërsa amerikanët u izoluan  në shtëpitë e tyre, ata shpenzuan kohë në  Zoom dhe Netflix, si dhe media sociale për të kaluar kohën e tyre. Të rinjtë gjithashtu kaluan kohë duke u kujdesur për pamjen e tyre, për shembull flokët dhe ushtrimet fizike.

Ndryshimet në jetën e përditshme të familjeve me fëmijë të vegjël ishin gjithashtu të mëdha. Me mbylljen e shkollave, prindërit, veçanërisht nxënësit e shkollës fillore, filluan t’i ndihmojnë ata me detyrat shkollore.

Në të njëjtën kohë ata u detyruan t’u kushtonin vëmendje duke bërë edhe gjëra të tjera. Me fjalë të tjera, ata kaluan më shumë orë duke gatuar, pastruar shtëpinë, duke punuar dhe duke u kujdesur për fëmijët.

Prindërit e fëmijëve të shkollës fillore kaluan gjashtë orë në ditë në vitin 2020, 80 minuta më shumë se në vitin 2019, vetëm duke vëzhguar fëmijët. Gratë mbanin pothuajse  të gjithë peshën, duke punuar 48 minuta më shumë çdo ditë ndërsa kujdeseshin për fëmijët e tyre.

Barra për nënat e familjeve me një prind ishte veçanërisht e madhe. Për sa i përket punës, koha e përditshme e punës nuk ndryshoi, por puna në distancë u rrit ndjeshëm (nga një punonjës në shtatë në 2019 në një në tre në 2020).

s.ba/abcnews.al