Konjufca ngushëllon homologun turk për viktimat nga tërmeti

schedule18:01 - 27 January, 2020

schedule18:01 - 27 January, 2020

Kryetari i Kuvendit të Kosovës, Glauk Konjufca, ka ngushëlluar kryetarin e Kuvendit të Madh Kombëtar të Turqisë, Mustafa Şentop, pas tërmetit shkatërrimtar, i cili mori jetën e dhjetëra qytetarëve turq.​

Përmes një mesazhi dërguar homologut të tij turrk, Konjufca thekson se ndihet i pikëlluar pas lajmit për tërmetin që goditi Turqinë.

“Shkëlqesia Juaj,  Ndihem thellë i pikëlluar nga lajmi i tërmetit që goditi Republikën e Turqisë. Në këto momente të rënda për ju dhe popullin Republikës së Turqisë, në emër të Kuvendit të Kosovës dhe emrin tim, ju shpreh ngushëllimet më të sinqerta.Ne bashkëndjejmë me familjet e atyre që humbën më të dashurit e tyre,  familjet e të lënduarve dhe familjet atyre që janë ende të pagjetur. Shpresoj se ekipet e shpëtimit do të kenë sukses në parandalimin e humbjeve të mëtejshme”, ka thënë Konjufca./abcnews.al