Teknologji

Capture-70.jpg
So Nila15:55 | 22/02/2020

Qindra dhe mijëra grupe në WhatsApp janë të disponueshme për tu kërkuar në Google.

Një gazetar sapo ka zbuluar se ju mund të gjeni fjalë për fjalë emrin e një grupi në WhatsApp, pa pasur nevojë që dikush ta autorizojë atë, raporton Telecom.

Mënyra se si funksionon është e lidhur me veçorinë “ftoni në grup përmes linkut”, e cila është jashtëzakonisht e dobishme për grupet me shumë anëtarë, në mënyrë që të mos keni nevojë të shtoni secilin person individualisht për t’i lejuar ata të bashkohen në grup.

“Grupet tuaja WhatsApp mund të mos jenë aq të sigurta sa mendoni se janë,” tha Wildon duke shtuar se nëse kërkoni në Google, çdo njëri mund të bëhet pjesë e grupeve të ndyshme.

Kur bashkoheni në një grup nuk do të keni mundësi të shihni ndonjë mesazh të dërguar para se të bashkoheni, por numrat e telefonit të anëtarëve janë lehtësisht të disponueshëm, si dhe fotografitë e tyre./abcnews.al

 

 

 

collage-26.jpg
So Nila11:35 | 21/02/2020

Microsoft  bëri të ditur se gjatë pesë viteve të ardhshme do të investojë 1.1 miliard dollar në zhvillimin e programit të trajnimit dhe rritjen e qasjes tek shërbimet “Cloud Computing“.

Kompania theksoi se paratë do të shfrytëzohen për vendosjen e qendrës rajonale të të dhënave, si pjesë e programit të  Microsoft shkruan EN24

Ai përfshin ndërtimin e tre laboratorëve me teknologjitë më të fundit për të ofruar shërbime dhe teknologji përmes kulturës dixhitale.

Këto laboratorë do të promovojnë një “program arsimor” për studentët e rinj në universitet, tha Cernuda.

Cernuda shtoi se një Këshill këshillues do të krijohet së bashku me Këshillin e Biznesit Meksikan (CMN) me qëllim “shkëmbimin e përvojave për të përmbushur nevojat e popullatës dhe tregut” të vendit.

Ata shtuan se një pjesë e parave do të përdoren për ndihmë ndaj specieve në zhdukje.

Presidenti meksikan, Andrés Manuel López Obrador, tha se investimi tregon besimin e investitorëve në Meksikë pas ratifikimit të marrëveshjes së tregtisë së lirë SHBA-Meksikë-Kanada./abcnews.al

Capture-27.png
So Nila08:48 | 21/02/2020

Twitter po eksperimenton duke shtuar etiketa me ngjyra të ndezura për të indentifikuar  gënjeshtrat dhe keqinformimet e postuara nga politikanë dhe figura publike.

Twitter konfirmoi që një demonstrim i tillë është një politike të re që synon keqinformimin dhe planifikon të dalë më 5 mars.

Në këtë version të ri keqinformimet nga figura publike do të korrigjohen  nga kontrolluesit e fakteve dhe gazetarët që janë përgjegjës për këtë  platformë.

“Ne po eksplorojmë një numër mënyrash për të kontrolluar keqinformimet,” tha një zëdhënës i Twitter. “Mosinformimi është një çështje kritike dhe ne do të testojmë shumë mënyra të ndryshme për ta vënë në dukje atë, shkruan CNBC.

Demoja përmban shënja të ndritshme të kuqe dhe portokalli për ato informata që vlerësohen si “mashtrime të dëmshme”.

 

Shembuj të keqinformimeve kanë përfshirë lajmet e rrema në lidhje me kontrollet e sfondit të armëve nga Sen. Bernie Sanders, I-Vt, dhe informacionet nga një llogari e pa verifikuar në Twitter duke postuar një video të Nancy Pelosi.

Demoja  tregon gjithashtu një shembull të keqinformimit mjekësor, duke përfshirë një shembull në lidhje me koronavirusin nga një llogari e verifikuar në Twitter.

Kjo  vjen edhe pasi zgjedhjet e 2020 po afrohen dhe Twitter  luan një rol kryesor midis kandidatëve. Të enjten, fushata e ish kryetarit të bashkisë së Nju Jorkut Mike Bloomberg postoi një video të redaktuar, e cila dukej sikur të kishte një pauzë të gjatë kur ai u pyet gjatë debatit demokratik të së mërkurës nëse kandidatët e tjerë kishin filluar ndonjëherë një biznes.

Muajin e kaluar, Twitter njoftoi për një ndryshim të ri për të ndaluar informacionet e rreme raporton abcnews.al

 

Përdoruesit e Twitter mund të fitojnë “pikë” dhe “distinktiv të komunitetit” nëse “kontribuojnë në mirëbesim dhe veprojnë si një fqinj i mirë” dhe “tregohen kritik për të ndihmuar njerëzit të kuptojnë informacionin që ata shohin.”

“Së bashku, ne veprojmë për të ndihmuar njëri-tjetrin të kuptojmë se çfarë po ndodh në botë dhe të mbrojmë njëri-tjetrin nga informacionet jo të vërteta,” lexon demoja.

“Ky është një model që do të përfshijë reagime në komunitet,” tha zëdhënësi.

Anëtarët e komunitetit pyeten nëse tweet-i ka ka ose jo informacione të rreme.

Disa uebfaqe të tjera kanë përdorur me sukses  kontrollin e komunitetit për të rregulluar platformat e tyre. Informacioni mbi Wikipedia ka qenë nën vëzhgim të tillë nga përdoruesit anonimë që nga fillimi i tij në 2001.

Reddit gjithashtu ka qindra vullnetarë që vendosin dhe zbatojnë rregulla për shumë komunitete të saj./abcnews.al

 

larry.jpg
So Nila11:30 | 20/02/2020

Larry Tesler ikona e “copy and paste” ka vdekur në moshën 74 vjeçare.

Tesler filloi të punojë në Silicon Valley në fillim të viteve 1960, në një kohë kur kompjuterët ishin të paarritshëm për shumicën më të madhe të njerëzve.

Ishte falë risive të tij – të cilat përfshinin  “cut”, “copy” dhe “paste” – që kompjuteri personal u bë i thjeshtë për tu mësuar dhe përdorur shkruan BBC.

Tesler lindi në Bronx, Nju Jork, në 1945 dhe studioi në Universitetin Stanford në Kaliforni.

Pas diplomimit, ai u specializua në programin e brendshëm të kompjuterave- domethënë, lehtësoi programet kompjuterike.

Ai ka punuar për një numër të firmave kryesore të teknologjisë gjatë karrierës së tij të gjatë. Ai filloi punë në Qendrën Kërkimore Xerox Palo Alto (Parc), përpara se Steve Jobs ta punësonte në Apple, aty ku punoi 17 vite dhe u bë shkencëtar kryesor, shkruan abcnews.al

 

Pasi la punën në  Apple, ai punoi për periudha të shkurtra në Amazon dhe Yahoo.

Ndoshta risia më e famshme e zotit Tesler, copy&paste, bazohej në metodën e vjetër të redaktimit, në të cilën njerëzit do të prenin fizikisht pjesë të tekstit të shtypur dhe do t’i ngjisnin diku tjetër, shkruan abcnews.al

Komanda u përfshi në programet e Apple në kompjuterin Lisa në 1983 dhe Macintosh origjinal që u publikua vitin e ardhshëm.

Muzeu i Historisë së Kompjuterave të Silicon Valley tha që Z. Tesler “kombinoi  shkencat kompjuterike me një vizion antikulturor që kompjuterët duhet të jenë për të gjithë”./abcnews.al

200220-GadgetMatch-Tone-Smartphone-1.png
So Nila11:05 | 20/02/2020

Në kohën kur secili zotëron një celular me kamera, nuk është edhe aq befasi kur dikush shfrytëzon mundësinë të shkrepë ndonjë foto intime.

Mirëpo në Japoni, një kompani teknologjike ka nxjerrë në treg celularin e ri që ua ndalon përdoruesve realizimin e fotografive intime,sipas Mashable Se Asia. Celulari Tone e20, ka një softuer të programuar të kuptojë se çfarë është një fotografi intime.

 

Nëse dallon pamje të tilla, pajisja do ta bëjë të pamundur ruajtjen e këtyre fotografive, edhe nëse ato shkrepen nga përdoruesit. Edhe pse duket e çuditshme se si një kompani ka ndaluar një veçori të tillë, softueri është i dizajnuar si veçori sigurie. Kompania “Tone”, është për personat që dëshirojnë telefona të thjeshtë e të lirë.

Përveç këtyre arsyeve, celulari ofrohet për përdoruesit që janë të rinj në moshë dhe që janë ende në shkollë. Vjedhja e fotografive intime dhe publikimi i tyre në internet, ka qenë njëra prej arsyeve të kompanisë për nxjerrjen në treg të këtij celulari.

Në vitin 2016, ka pasur mbi 3,000 raste shantazhesh, dhe këto janë vetëm rastet që janë raportuar.

Kompania e sigurisë së postës elektronike Symantec ka raportuar se nga janari 2019 deri në mars 2019, ata kanë arritur të zbulojnë 300 milion shantazhe .

Shumë prej të rinjve bien pre e mashtruesve të internetit që shfrytëzojnë fotografitë e tyre intime për shantazh dhe kërcënime të ndryshme. Ndalimi i shkrepjes së fotove intime në celularin “Tone e20” është automatik, por përdoruesit e rritur mund ta zhbllokojnë./abcnews.al

Capture-57.jpg
So Nila14:30 | 18/02/2020

Kemi dëgjuar thashetheme për muaj të tërë që lidhen me një zëvendësim të iPhone SE, që me gjasë do të quhet iPhone 9.

Analisti Ming-Chi Kuo ka thënë më parë se në gjysmën e parë të vitit 2020 Apple mund të leshoje iPhone e ri.

Pavarësisht datës përfundimtare se kur pritet të dalë iPhone, ne mund të marrim produkte të reja nga Apple, ndoshta një MacBook të ri, etj.

Thuhet gjithashtu se Apple mund të lëshojë softuer të ri, iOS 13.4 më 1 Prill, dhe mbase iPhone i ri mund të dalë në treg më 3 Prill.

Tani, na mbetet vetëm të presim për një konfirmim zyrtar ose në thashetheme të reja që mbështesin këtë gjë./abcnews.al

GettyImages_547408474.0.jpg
So Nila14:06 | 13/02/2020

Interneti dhe rrjetet sociale online, janë kryefjala e çdo dite, në shoqërinë ku po jetojmë.

Është një shoqëri konsumi, e cila i tërheq si magnet risitë e fundit të teknologjisë në treg, duke e kthyer njeriun, në funksion të smartphonëve, dhe jo këta të fundit, në funksion të njeriut, siç duhet të ishte.

Çdo mëngjes, njerëzit sapo zgjohen, nuk mendojnë sesa e mrekullueshme është të hapësh sytë, sesi mund të përqëndrohen që në minutat e para të mëngjesit, për të marrë energji të mirë nga dita e re që iu është dhuruar. Sesi mund të riorganizojnë agjendën e tyre ditore, dhe të mbushen shpirtërisht me optimizëm, përkundrazi.

Sapo zgjohemi, realizojmë të njëjtin sistem të ditës së mëparshme, në mënyrë të pavetëdijshme. Zgjohemi të lodhur, me një mijë probleme, dhe zero mundësi, të pamotivuar dhe të palumtur, duke bërë scroll në facebook apo instagram, si shenjë refleksi, deri kur afrohet përfundimisht momenti, të braktisim krevatin.

Kjo është rutina e mëngjesit për shumë njerëz në mbarë botën, asgjë e shëndetshme nuk i sërviret mëndjes, asnjë “ushqim” dhe asnjë ushtrim fizik.

Kontrolli i Instagram-it ose Facebook-ut, është një gjithëpërfshirje në një sistem informacioni të dëmshëm, të paorganizuar dhe në të shumten e rasteve të pavlerë për shëndetin tonë emocional.

Mënyra sesi e fillon ditën, e përcakton ditën.

Është i pashmangshëm përdorimi i celularëve dhe i teknologjisë. Është një sistem i tërë i cili na e ka ndryshuar dhe lehtësuar jetën të gjithëve, e megjithatë, është mëndja jonë e cila ka nevojë për detoxifikim (pastrim) nga teknologjia, për të funksionuar më me efikasitet.

Ekzistojnë dy pole – afërsia e  njerëzve përmes komunikimit, shkurtimi i distancave gjeografike e hapësinore dhe varësia ndaj tij, e cila mund të prodhojë probleme kronike të konsiderueshme.

Ky mjet i vogël, ka marrë të gjithë vëmëndjen tonë, e megjithatë diçka është e domosdoshme : “Nëse ti e përdor me zgjuarsi, ai mund të të hapi shumë dyer, por nëse ai të përdor ty me zgjuarsi, do të ti mbyllë të gjitha dyert”.

Celulari që mbajmë në dorë, është i pafundëm, siç është bota brënda nesh.

Gjithçka që kërkon, dhe dëshiron të realizosh, e gjen aty.

Si e kalon ti kohen tënde me të, të bën TY.

Mundësitë janë kaq të pafundme, zgjedhja është e jotja.

Do ti shërbesh ti celularit tënd, apo do të të shërbejë ai aty?

Dallimi, shpesh herë është i padukshëm.

Shoqëria jonë, po vuan efektet anësore dhe sindromën e përdorimit të teknologjisë në formë të gabuar, e cila përhapet me shpejtësi në brezat e rinj.

Pasiviteti i mëndjes, mungesa e kreativitetit, si dhe një dozë e lartë agresiviteti, janë disa nga kostot negative të cilat, burojnë nga lojërat e dhunshme që  promovohen online.

Teknologjia, po “e vret” çdo ditë, afërsinë mes njerëzve, vërtetësinë, motivimin, inteligjencën natyrale dhe kreativitetin.

Asgjë, nuk mund ta zëvendësojë, mëndjen njerëzore, e cila nuk mund të përcaktohet dhe nuk e ka një limit.

Limiti i vetëm me të cilin e kemi infektuar, quhet “teknologji”.

Është koha të përmirësojmë cilësinë e jetës, është koha të mendojmë me zgjuarsi dhe të tregohemi përzgjedhës, mbi kohën që shpenzojmë online, dhe mënyrën se si e shpenzojmë atë.

Për veten, për shoqërinë, për të ardhmen./abcnews.al

verge-whatsapp-notification-2040pxl.0.0.jpg
So Nila08:55 | 13/02/2020

WhatsApp, aplikacioni i mesazheve, i drejtuar nga Facebook, ka bërë njoftimin se tashmë ka më shumë se dy miliardë përdorues në mbarë botën dhe u shpreh i vendosur për të ruajtur bisedat e tyre private.

“Ne jemi të lumtur të ndajmë lajmin me ju që WhatsApp numëron më shumë se dy miliardë përdorues në botë”, theksoi grupi në një postim duke nënvizuar rëndësinë e mbrojtjes së bisedave, fotove, videove dhe të dhënave të tjera personale të përdoruesve.

“Ne e dimë që sa më shumë përdoures, aq më shumë duhet të mbrojmë të dhënat tuaja”, theksoi ai.

“Ndërkohë që ne kalojmë gjithnjë e më shumë kohë në linjë, mbrojtja e bisedave tona është më e rëndësishme se kurrë”.

WhatsApp theksoi se çdo mesazh i dërguar është i siguruar nga një kod i fuqishëm që mbron informacionet e përdoruesve./abcnews.al

Capture-10.png
So Nila15:30 | 11/02/2020

Një asteroid do të kalojë pranë planetit tonë më 15 shkurt dhe ka një gjerësi prej 1 kilometër. Një shkëmb hapësinor i kësaj mase mund të vrasë miliona njerëz në zonën ku godet (nëse përplaset me tokën) dhe mund të shkaktojë një katastrofë në shkallë globale.

Administrata Kombëtare e Menaxhimit të Hapësirës në SHBA thotë se është duke ndjekur avancimin e asteroidit 2002 PZ39, i cili po vjen drejt tokës me shpejtësi prej më shumë se 57,240km/orë.

Shkëmbi hapësinor që është i gjerë nga 440 m deri në 990 m, do të ketë një “qasje të afërt” me planetin tonë rreth orës ndërkombëtare 11:05,  më 15 shkurt.

 

Nëse një trup i tillë do të përplasej me tokën, mund të ketë pasoja për të gjithë planetin.

“Nëse një meteoroid shkëmbor më i madh se 25m, por më i vogël se një kilometër, do të godiste tokën, do të shkaktonte dëme vetëm në zonën e goditjes. Ne besojmë se një asteroid prej dy kilometrash ose me më shumë gjerësi, ka pasoja për të gjithë planetin”, -thuhet në agjencinë e NASA.

Sipas llogaritjeve trupi do të kalojë 5.77 milionë kilometra pranë tokës, që megjithëse mund të duket si një distancë e sigurt, llogaritjet nuk kanë rezultate absolute dhe mund të ndryshojnë./abcnews.al

110833484_gettyimages-1199810135.jpg
So Nila12:47 | 11/02/2020

Kina ka shpikur një aplikacion që lejon njerëzit të kontrollojnë nëse janë të rrezikuar nga virusi.

‘Aplikacioni zbulues’ u tregon  përdoruesve nëse ata kanë qenë pranë një personi që është konfirmuar ose dyshohet se ka virus.

Personat e identifikuar  në rrezik këshillohen të qëndrojnë në shtëpi dhe të informojnë autoritetet lokale shëndetësore.

Pasi aplikacioni regjistrohet me një numër telefoni, përdoruesve u kërkohet të shkruajnë emrin dhe numrin e tyre të identitetit. Çdo numër i regjistruar i telefonit mund të përdoret më pas për të kontrolluar gjendjen.

Aplikacioni u zhvillua së bashku me departamentet qeveritare dhe Korporatën e Teknologjisë Elektronike të Kinës dhe u mbështet nga autoritetet e shëndetësisë dhe transportit, sipas agjencisë shtetërore të lajmeve Xinhua.

Dihet gjerësisht se qeveria kineze kryen nivele të larta të mbikëqyrjes mbi qytetarët e saj, por ekspertët e fushës sugjerojnë, në këtë rast të paktën se kjo gjë nuk do të kundërshtohet brenda vendit.

Avokati i teknologjisë në Hong Kong tha për BBC: “Në Kinë, dhe në të gjithë Azinë, të dhënat shihen si diçka që mund të përdoren. Me kusht që çdo gjë të bëhet në mënyrë transparente”

Nga këndvështrimi kinez ky është një shërbim me të vërtetë i dobishëm për njerëzit./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono