Të fundit

pipero-stafi.jpg
Autor E13:39 | 28/03/2020

30 mjekë shqiptarë do të mbërrijnë në Bergamo pasditen e sotme për të mbështetur Italinë në situatën e emergjencës ndaj koronavirusit.

Siç raporton Corriere, mjekët do të mbërrijnë në aeroportin e Romës por do të veprojnë në të gjithë qytetin e Bergamos, ku do të transferohen.

Kostoja do të mbulohet nga qeveria shqiptare dhe kjo e fundit ka miratuar një fond për këtë grup.

Sipas vendimit të publikuar në fletoren zyrtare të qeevrisë shqiptare, mjekët do të paguhen 3 mijë euro, ndërsa infermierët 2500 euro për një total prej 11 milion lekësh.

Vajtja e personelit shëndetësor shqiptar në Itali është fryt i një marrëveshjeje mes kryeministrit shqiptar Edi Rama dje ministrit të jashtëm italian Luixhi Di Maio, shkruan abcnews.al.

Shpërndarja e koronavirusit në Shqipëri

 

Mjekët do të qëndrojnë në Itali një muaj dhe do të paguhen nga Shqipëria.

Sipas burimeve të Korriere della Sera, kryeministri shqiptar është shprehur se nuk mund të shihte Italinë në kaq shumë vështirësi dhe do të ndihmojë sepse shqiptarët e duan Italinë.

Shpërndarja e koronavirusit në Ballkan

Ministri DI Maio u shpreh se mjekët shpëtojnë jetë dhe në këtë moment vendi po rizbulon vlerën më të rëndëishme që është jeta. DI Maio do të presë mjekët shqiptarë në aeroport.  /abcnews.al

mjeke-infermiere.jpg
Autor E13:37 | 28/03/2020

30 mjekë dhe infermierë nga Shqipëria do të nisen në orën 16:00 të ditës së sotme për të ndihmuar rajonin e Bergamos në Itali në luftën ndaj koronavirusit.

Kostoja do të mbulohet nga qeveria shqiptare dhe kjo e fundit ka miratuar një fond për këtë grup.

Sipas vendimit të publikuar në fletoren zyrtare të qeevrisë shqiptare, mjekët do të paguhen 3 mijë euro, ndërsa infermierët 2500 euro për një total prej 11 milion lekësh.

Vendimi i qeverisë

Vajtja e personelit shëndetësor shqiptar në Itali është fryt i një marrëveshjeje mes kryeministrit shqiptar Edi Rama dje ministrit të jashtëm italian Luixhi Di Maio.

Sipas burimeve të Korriere della Sera, kryeministri shqiptar është shprehur se nuk mund të shihte Italinë në kaq shumë vështirësi dhe do të ndihmojë sepse shqiptarët e duan Italinë.

Ministri DI Maio u shpreh se mjekët shpëtojnë jetë dhe në këtë moment vendi po rizbulon vlerën më të rëndëishme që është jeta. DI Maio do të presë mjekët shqiptarë në aeroport.  /abcnews.al

mjek.jpeg
in a13:28 | 28/03/2020

Ministrja e Shëndetësisë, Ogerta Manastirliu në rrjetin social “Facebook” ka shprehur mirënjohjen për stafin mjekësor që është në vijën e parë të luftës me koronavirusin.

Gjithashtu Manastirliu theksoi se pas testit të kryer në laboratorin e Institutit të Shëndetit Publik katër mjekë dhe infermierë janë shëruar, duke e çuar në 6 numrin e shëruar në personelin mjekësor në Tiranë dhe në Durrës.

Statusi:

🔴#COVID-19
Shumë e kënaqur që edhe 4 mjekë dhe infermierë janë shëruar sot, pas testimit konfirmues të kryer në laboratorin e Institutit të Shëndetit Publik
Shkon në 6️⃣ numri i personelit mjekësor të shëruar në Tiranë dhe Durrës🙏🏼
Deri tani 3️⃣3️⃣ qytetarë, mjekë dhe infermierë e kanë mundur 🤜COVID-19🤛

 

miral.jpg
Autor E13:06 | 28/03/2020

Abcnews.al raportoi sot në mëngjes se kishte rezultuar pozitiv me koronavirus edhe drejtoresha e Operatorit të Shërbimit Shëndetësor, Mirela Cami.

Ajo është pjesë e Task Forcës pranë Ministrisë së Shëndetësisë për koronavirusin.

Cami është personi i dytë nga Task Forca që infektohet me koronavirus pas kreut të Urgjencës Kombëtare, Skënder Brataj.

Lajmi i dhënë nga abcnews.al u konfirmua sot nga drejtoresha e Sëmundjeve Infektive në ISHP, Silva Bino.

E pyetur sot nga Abc News mbi gjendjen shëndetësore të Camit, Silva Bino u përgjigj se ajo ishte e infektuar me koronavirus dhe se nuk kishte simptoma të theksuara të sëmundjes.

Ecuria e shpërndarjes së koronavirusit në Shqipëri

Lexo edhe: Infektohet me koronavirus kreu i Urgjencës, Skënder Brataj: Nuk dihet ku e mori, mbyllet në shtëpi

“Po është e vërtetë. Është një sëmundje infektive koronavirusi, të gjithë mund të kemi kontakte dhe të infektohemi”, tha Bino duke konfirmuar kështu edhe faktin se Mirela Cami është personi i dytë nga Task Forca për koronavirusin që ishte infektuar.

balanca.gif
in a13:00 | 28/03/2020

Avokatja e Popullit Erinda Ballanca në një lidhje me “ABC News” theksoi se është e rëndësishme që të dhënat e personave të prekur me COVID-19, të mos publikohen.  Sipas saj kjo çështje është një nga problemet kryesore që do të lerë pas kjo pandemi.

Ndër të tjera, ajo tha:

Pas verifikimet pashë se ka deklarata të ndryshme, dhe në këtë rast duhet një përdorim proporcional për këto të dhëna. Në asnjë mënyrë nuk duhen të bëhen publike emrat për popullatën.

Kjo vërtet është një çështje e vështirë por rastet me të cilat është e përballur bota.

Të dhënat personale nuk duhet të bëhen publike për publikun e gjerë. Por në rastin e hetimeve për gjetjen e viruseve mund të bëhen publike vetëm për autoritetet.

Nuk ka nevojë të identifikosh qartësisht personin, mund  të japësh iniciale. Në të gjitha rastet bëhet me miratim të Komisionerit. Kjo është një çështje e cila duhet të trajtohet nga personat e duhur.

Pas shpalljes së gjendje të fatkeqësisë natyrore është më e qartë se kush do ti drejtojë këto operacione në terren. Duhet kuptuar se nuk është një situatë e thjeshtë. Të gjithë duhet ta kuptojnë se nuk do të jetë situatë e lehtë për tu kaluar. /abcnews.al

sinqert.gif
in a12:34 | 28/03/2020

Në lidhje më “ABC News”, mjeku Taulant Muka u shpreh se është shumë i domosdoshëm aplikimi i testimeve.

Muka u shpreh se opsioni i vetëm i daljes nga karantina sipas tij është testimi. Ai theksoi se qeveria në këtë mënyrë po shkatërron vendin nga ana ekonomike dhe për këtë arsyet duhet të ndërgjegjësohet.

“Nëse shikojmë të dhënat nga studimi. Nga momenti i Infektimit dhe nga momenti i shfaqjes së simptomave është deri 7 në 14 ditë.

Ndërsa nga momenti i shfaqjes së simptomave dhe momentit kur personi ndërron jete është deri në 21 ditë.

Momenti i infeksionit dhe momenti kur personi ndërron jetë është afërsisht deri në 1 muaj.

Kjo do të thotë se nëse në rastin e parë kemi pasur një person që ka ndërruar jetë në datën 10 mars  atëherë do të thotë që kemi pasur persona të infektuar para datës 10 shkurt”, sqaroi Muka.

Më tej ai tha se duke konsideruar personin e parë që është infektuar në Shqipëri atëherë COVID -19 sipas tij ka hyrë më herët. “Nëse sheh kurbën epidemike të lë të kuptosh se Shqipëria nuk është problematike. Por nëse sheh numrin  personave që kanë ndërruar jetë ajo kurbë epidemike nuk bën sens.

Nëse Sllovenia ka të njëjtin numër personash që kanë ndërruar jetë me Shqipërinë shikon një kurbë epidemike më të theksuar. Kjo do të thotë që nuk është identifikuar numri i personave të infektuar dhe se shumë prej tyre mund të qarkullojnë lirshëm. Ndaj është e rëndësishme që të bëhet gjurmimi i rasteve, testimi dhe depistimi”, u shpreh Muka.

Ai gjithashtu theksoi se në grafikun e dytë që shikohen numrat për Shqipërinë, ulja e numrit të testimeve ka sjellë uljen numrit të rasteve. “Pra numri i rasteve është në varësi të numrit të testimeve që ne bëjmë. Nëse ne sot llogarisim që kemi një mortalitet 5.3 do të thotë që përpara arrestit shtëpiak kemi pasur rreth 1000 persona të infektuar”, u shpreh ai.

Ecuria e koronavirusit në Shqipëri

Pasoja që ne ndjejmë sot janë pasojat e një muaji më parë. Duhet të dimë që ka ndodhur një Kongres, kanë ardhur persona nga Italia, më pas ka ndodhur edhe një në miting. Studimet kanë treguar se virusi transmetohet nga ajri i ndotur.

Ne duhet të testojmë të gjithë personat që kanë udhëtuar nga Itali mendohet se janë 130 mijë persona pasi ata mund të kenë qenë edhe burim infeksioni. Për të gjitha rastet që identifikohen duhet bërë edhe gjurmimi i kontakteve. Diagnostikimi parandalon zhvillimin  e komplikacioneve dhe e parandalon duke marrë masa para simptomave të shfaqjes. Kjo kërkon një ekip të specializuar të shumë profesioneve”, tha Muka.

grafiku-1280x720.jpg
Autor E12:19 | 28/03/2020

Shqipëria numëron sot 197 raste me koronavirus që prej datës 9 mars kur u konfirmuan dy rastet e para në Tiranë.

Kryeqyteti, me 113 raste vijon të mbetet zona me numrin më të lartë të të prekurve, ndërsa disa ditë më pas, u shfaqën vatra të reja në Durrës, Elbasan, Fier dhe Korçë.

Këto rrethe vijojnë të kenë një numër të lartë të prekurish pas Tiranës.

Abcnews.al ka vizualizuar ecurinë e shpërndarjes së koronavirusit në qytetet shqiptare, ku vërehet numri i lartë në Tiranë si edhe rritja e shpëjtë në Korçë dhe Fier.

Për më tepër, ndiqni grafikun e përgatitur nga abcnews.al:

spanja-2.jpg
Autor E12:14 | 28/03/2020

Situata nga koronavirusi është tejet alarmante në Spanjë, e cila sot ka shënuar një numër rekord viktimash.

Të dhënat zyrtare konfirmojnë se gjatë 24 orëvë të fundit ndërruan jetë 832 qytetarë për shkak të koronavirusit.

Shpërndarja e koronavirusit në Shqipëri

 

Në total, janë 5 694 spanjollë që kanë ndërruar jetë nga koronavirusi që prej fillimit të në Spanjë. Kjo viktimat në Spanjë kanë kaluar Kinën kështu duke u bërë vendi i dytë me numrin më të madh të të vdekurve nga koronavirusi pas Italisë. /abcnews.al

96.gif
in a12:04 | 28/03/2020

Fieri mbetet qyteti i dytë pas Tiranës me numrin më të lartë të personave të prekur me koronavirus.

Gazetarja Valbona Davidhi tha për abcnews.al se numri tashmë ka shkuar në 21, në nivel qarku.  Numri i të prekurve në Lushnje vazhdon të mbetet 4. Që prej nisjes së pikut në vatrat e pandemisë çdo ditë rezulton një person i konfirmuar.

Të dhënat sugjerojnë se kemi të bëjmë më shumë se një familjar të prekur nga nënpunëset e degës së Thesarit të cilët tashmë janë të karantinuar.

Rasti i ri është njëri prej familjarëve të nënpunësve të Thesarit.

Më tej ajo theksoi se nëpunëset kanë pasur kontakte të vazhdueshme me nënpunës të tjerë dhe që në fillim u tha se infektimi pritet të jetë i madh.

Ndërkohë hetimi epidemiologjik është duke vazhduar punën për të identifikuar personat e prekur.

Gjithashtu ajo theksoi se pacienti zero ishte një burrë, nëpunës i degës së Thesarit dhe nuk dihet se nga e ka marrë virusin. Kjo ende mbetet e paqartë.

“Përveç 6 nënpunësve të konfirmuar janë edhe 3 nëpunës te tjerë që në testin e parë kanë rezultuar negativ dhe priten përgjigjet edhe të testit të dytë, pra 9 është numri në total.

Mesatarisht 6 deri në 7 persona është numri i punonjëseve në gjendjen civili, por pasi u konfirmua rasti i parë është bërë dezinfektimi i zyrave. Dyshohet se numri i familjarëve të prekur të nëpunësve pritet të jetë i lartë”, raportoi gazetarja./abcnews.al

koronavirusi-greqi-1100x620-1.jpg
Autor E12:03 | 28/03/2020

Për të dytën ditë me radhë është ulur numri i të prekurve të rinj nga koronavirusi në vend duke dhënë shpresë së rritja e kurbës ka filluar të ngadalësohet.

Megjithatë ka një debat për numrin e testeve që bëhen çdo ditë duke ndikuar edhe numrin e të prekurve të zbuluar.

Ecuria e shpërndarjes së koronavirusit në Shqipëri

Gjatë 24 orëvë të fundit janë konstatuar 11 raste të reja duke e çuar numrin total të të prekurve në 197, ndërsa deri më tani kanë ndërruar jetë 10 persona.

Tirana mbetet rrethi më i prekur nga koronavirusi me 113 të prekur, i ndjekur nga Fieri me 21 raste si edhe Korça me 12 raste.

Raste të reja gjatë 24 orëvë të fundit

-6 raste Tiranë
-1 rast Fieri
-2 raste Krujë
-1 rast Tropojë
-1 rast Pukë

Raste total me koronavirus

– Tiranë           113 raste
– Durrës           11 raste
– Lushnje         4 raste
– Elbasan         5 raste
– Rrogozhinë   2 raste
– Fier               21 raste
– Kavajë          4 raste
– Korçë            12 raste
– Vlorë            5 raste
– Shkodër        4 raste
– Lezhë            4 rast
– Berat             1 rast
– Has               2 raste
– Krujë            3 rast
-Tropojë          3 raste
– Pukë               3 raste

Bilanci i koronavirusit në Shqipëri

-197 raste
-10 të vdekur
-31 të shëruar


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono