Rajoni

italian.jpg
Sid Orela19:52 | 29/03/2020

Një i ri italian që jetonte në Londër mendohet të ketë ndërruar jetë si pasojë e koronavirusit.

Sipas raportimeve, bëhet fjalë për një 19-vjeçar të quajtur Luca Di Nicola, të cilit mjekët i kishin thënë që të mos shqetësohej shumë pasi kishte shëndet të mirë.

Di Nicola, i cili ka lindur në Nereto, Itali, punonte si ndihmës shef kuzhine në një restorant në Enfield, Londra Veriore, bashkë më nënën e tij Clarissa dhe partnerin e saj Vincenzo, shkruan abcnews.al

I riu ndërroi jetë në kryeqytetin anglez si pasojë e pneumonisë. Familjarët e tij janë shprehur se nuk po e marrin dot veten nga kjo tragjedi që u ndodhi pasi “ai ishte shumë i shëndetshëm.” Ata dyshojnë se 19-vjeçari ishte i infektuar me koronavirus por nuk e dinë me siguri pasi atij nuk i është bërë test.

Një e afërme e Luca-s u shpreh për La Repubblica:

“Një javë përpara se të ndërronte jetë Luca kishte temperaturë dhe kollë, të njëjtat simptoma kishte edhe e ëma dhe partneri i saj. Mjeku nga Londra i dha nipit tim paracetamol. Por Luca u bë keq më 23 mars. Mjeku e vizitoi në shtëpi dhe i tha se ishte i ri dhe i fortë dhe nuk kishte pse të shqetësohej nga një grip i keq.”

Ditën tjetër, gjendja e tij shëndetësore u përkeqësua, ai filloi të kishte dhimbje kraharori ndërsa e ëma vuri re se buzët ju bënë ngjyrë ‘blu’. Luca Di Nicola-s do t’i behet autopsia dhe do të testohet gjithashtu për të vendosur përfundimisht nëse e kishte pasur koronavirusin apo jo. /abcnews.al

koronavirus-kosove.jpg
ger ta19:49 | 29/03/2020

Tre raste të reja me koronavirus janë konfirmuar në Kosovë, duke e çuar numri i në 94 numrin në total të të prekurve.

Laboratori i Mikrobiologjisë Molekulare në IKSHPK ka testuar 45 mostra të marra nga rastet në terren të dielën, prej tyre 3 kanë rezultuar pozitive.

Rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë.

Deklarata e IKSHPK-së:

TRE RASTE ME COVID-19!

Sot më 29.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 45 mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, tre prej tyre kanë rezultuar pozitive.

Rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë.

Nga data 08.02.2020 deri me 29.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.082 mostra të dyshimta në virusin SARS-CoV-2 dhe prej tyre, pozitive rezultojnë gjithsej nëntëdhjetë e katër (94) raste me një (1) rast të vdekjes i një të moshuari 82 vjeç.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 2.080 kontakte të rasteve.

Nga data 01.02.2020 deri me 29.03.2020 në Aeroportin ndërkombëtar “Adem Jashari” si dhe në pikat tokësore kufitare janë depistuar gjithsej 19.828 udhëtarë. Në Aeroportin “Adem Jashari” 1.070 udhëtarë, Merdare 5.650, Vërmicë 5.445, Jarinje 1.578, Dheu i Bardhë 1.027, Hani i Elezit 3.019, Kullë 1.250, Qafë Morinë 47, Bërnjak 539, Qafë Prush 35, Muçibabë 167 dhe Glloboçicë 1 udhëtarë.

 

 

 

 

sdw.jpg
Sid Orela18:11 | 29/03/2020

Vazhdon bilanci tragjik në Itali. Vetëm gjatë 24 orëve të fundit, kanë ndërruar jetë si pasojë e koronavirusit 756 persona. Kështu numri total i viktimave shkon në 10,779

Vetëm gjatë ditës së sotme vendi ka regjistruar 5,217 raste të reja me koronavirus. Ndërsa, numri i të prekurve në total shkon në 97, 689.

Numri i personave që janë shëruar është 646. Italia vazhdon të mbetet shteti më i prekur nga koronavirusi në Evropë. Vendin e dyte e mban Spanja me 78,799 raste të konfirmuara dhe 6,606 viktima si pasojë e Covid-19. /abcnews.al

greece-3.jpg
Sid Orela17:44 | 29/03/2020

Edhe 6 persona të tjerë kanë ndërruar jetë si pasojë e koronavirusit në Greqi duke bërë që numri total i viktimave në total të shkojë në 38. Lajmin e ka bërë të ditur zëdhënësi i Ministrisë së Shëndetësisë në vendin fqinj, Sotiris Tsiodras.

Sipas asaj që Tsiodras deklaroi, vendi ka konfirmuar 95 raste të reja me Covid-19 duke bërë që numri i përgjithshëm i të infektuarve të shkojë në 1,156.

Raportohet gjithashtu se shumica e rasteve të regjistruara së fundmi janë në Atika. Nga personat e sëmurë, 69 ndodhen të intubuar në njësitë e kujdesit intensiv. /abcnews.al

kurti-thaci-1-1280x853.jpg
ger ta16:03 | 29/03/2020

Kryeministri në detyrë, Albin Kurti, ka bërë një interpretim Kushtetutës, duke nxjerr përfundime se s’mund të themelohet Qeveri e re pa shkuar në zgjedhje të reja.

Kurti ka anashkaluar dy mundësitë që ofrohen në Kushtetutë për themelim të Qeverisë, por ka thënë se bazuar në praktikat e mëparshme duhet të shpallen zgjedhjet e jashtëzakonshme që do të mbaheshin pasi të përfundojë koronavirusi.

Kurti i është drejtuar me një mesazh Presidentit Hashim Thaç, duke i thënë se para se të kërkojë emrin e kandidatit nga Lëvizja Vetëvendosje, Presidenti duhet të mendojë për datë të zgjedhjeve për të gjithë

“Përfundimisht, para se të kërkojë emrin e kandidatit nga Lëvizja VETËVENDOSJE!, Presidenti duhet të mendojë për datë të zgjedhjeve për të gjithë. Sepse ai duhet ta zbatojë Kushtetutën e jo ta interpretojë atë”, ka shkruar Kurti, në një postim të gjatë në FB.

“Kushtetutëdhënësi e ka bërë të qartë se një mocion mosbesimi i suksesshëm prodhon zgjedhjet dhe jo një qeveri tjetër, me faktin se nuk ka paraparë asnjë procedim tjetër në Kushtetutë, për dallim nga dorëheqja, pas së cilës Kushtetuta ka paraparë që Presidenti fillon konsultimet me partinë apo koalicionin fitues”, ka shtuar ai.

Postimi i Kurtit:

Neni më i rëndësishëm i Kushtetutës së Republikës së Kosovës për ecjen përpara është ai 82.2: “Kuvendi mund të shpërndahet nga Presidenti i Republikës së Kosovës, pas votimit të suksesshëm të mosbesimit të Qeverisë”. Këtu, folja jokalimtare ‘mund’ nuk është ajo e një mundësie subjektive të zgjedhjes, por e lejes për të proceduar nga një autoritet. Nuk është e rastësishme që në verzionin në anglisht të Kushtetutës sonë, fjala ‘mund’ nuk është ‘can’ por ‘may’. Sëkëndejmi, neni 82.2 është dispozitë e lejimit dhe jo e përzgjedhjes.

Presidenti i Republikës së Kosovës, në vend se të hutohet me nenin 95 te Kapitulli VI i Kushtetutës (Qeveria e Republikës së Kosovës), duhet të fokusohet në nenin 82 te Kapitulli IV (Kuvendi i Republikës së Kosovës). Njëherazi, togfjalëshat e tij kundërkushtetues të deklaruar publikisht si “qeveri e re” apo “kritere mbizotëruese” nuk ndriçojnë rrugën përpara. Përkundrazi.

Në zgjedhjet parlamentare të 6 tetorit 2019, nuk kemi garuar se kush do të bëhet kryetar komisioni parlamentar, shef grupi apo kryetar Kuvendi. Partitë kanë garuar me programe qeverisëse dhe me kandidatë për kryeministra. Kontrata legjitimuese me popullin është ndërprerë dhe duhet të rikthehemi tek ai. Porsa të mbarojë pandemia Covid-19 – të cilën duhet ta luftojmë të gjithë bashkë duke mbështetur dhe ndihmuar e jo duke penguar a sabotuar qeverinë në detyrë – ne duhet të zbresim te populli si burim sovraniteti, për zgjedhje të reja, të lira e demokratike.

Ka dallim thelbësor ndërmjet situatës kur kryeministri dorëhiqet nga posti i tij dhe asaj kur Kuvendi voton mocion mosbesimi ndaj qeverisë. Në rastin e parë kemi mungesë vullneti ose aftësie të vetëdeklaruar nga kryeministri i cili largohet. Në rastin e dytë qeveria dhe kryeministri janë në detyrë, nuk ka vakuum deri në zgjedhjet e reja, andaj edhe stabiliteti e funksionimi shtetëror nuk cënohen. Pra, në rastin e dytë e që është ky yni tani, nevojitet Kuvend i ri për qeveri të re.

Kjo do të jetë hera e tretë e situatës së njëjtë në Kosovën e pavarur: kishim mocione të suksesshme të mosbesimit edhe në vitet 2010 e 2017, pas të cilave Presidenti shpërndante Kuvendin dhe shpalleshin zgjedhjet e parakohshme. Për më tepër, në vitin 2017 ishte po ky President që është tani, dhe, në atë kohë, ai nuk kishte dilemë se cila ishte rruga e duhur pas mocionit të suksesshëm të mosbesimit.

Kushtetutëdhënësi e ka bërë të qartë se një mocion mosbesimi i suksesshëm prodhon zgjedhjet dhe jo një qeveri tjetër, me faktin se nuk ka paraparë asnjë procedim tjetër në Kushtetutë, për dallim nga dorëheqja, pas së cilës Kushtetuta ka paraparë që Presidenti fillon konsultimet me partinë apo koalicionin fitues.

Mocioni i mosbesimit i 25 marsit 2020 ishte i llojit destruktiv: synonte rrëzimin e qeverisë. Kaq. Nuk ishte mosbesim konstruktiv me ç’rast Kuvendit do t’i paraqitej njëkohësisht edhe një ofertë e re për qeveri të ardhshme. Vota PËR me 25 mars 2020 ishte asgjë më shumë sesa votë KUNDËR. Si e tillë ajo shkëputi lidhjen pushtet-popull. E vuri qeverinë në pyetje në mënyrën ku populli (dhe jo Kuvendi) jep përgjigje. Kuvendi e rrëzoi qeverinë në Kuvend. Qeveria në detyrë qeveris.

Përfundimisht, para se të kërkojë emrin e kandidatit nga Lëvizja VETËVENDOSJE!, Presidenti duhet të mendojë për datë të zgjedhjeve për të gjithë. Sepse ai duhet ta zbatojë Kushtetutën e jo ta interpretojë atë.

adsasdqe.png
eri Ida13:59 | 29/03/2020

Është rritur numri i personave të infektuar me koronavirus në Maqedoninë e Veriut. Këtë të dielë janë konfirmuar 16 raste të reja me të infektuar nga coronavirusi dhe se numri në total i të prekurve është 257.

Ndërkohë Ministri i Shëndetësisë, Venko Filipçe në konferencë për shtyp ka deklaruar se dy persona kanë humbur jetën në 24 orët e fundit në Maqedoninë e Veriut, duke e çuar ne 6 numrin e viktimave.

“Njëri ishte 91 vjeçar që u hospitalizuar para tetë ditëve dhe sot në mëngjes një pacient 31 vjeçar i cili kishte gjendje të rëndë shëndetësore”, ka thënë Filipçe.

Ndërkohë sipas tij dy persona tashmë për të dytën herë rezultojnë negativ në testimin për coronavirus./abcnews.al

1581840802_koronavirusi960x570758x450-1.jpg
eri Ida07:29 | 29/03/2020

Të paktën 32 persona kanë humbur jetën në Greqi si pasojë e koronavirusit. Ndërsa raportohet se numri i personave të infektuar ka arritur në 1061 persona.

Autoritetet shëndetësore greke bëjnë me dije se vetëm në 24 orët e fundit janë kornfirumuar 95 raste të reja të infektuar me koronavirus.

Nga të infektuarit 69 janë terapi intensive dhe kanë një moshë mesatare 67 vjec.  Deri më tani, në Greqi janë kryer më shumë se 14,363 teste për koronavirus, ndërsa për pacientët qëndrimi mesatar në spital është 10 ditë./abcnews.al

Mavraj-Kurti-Unikatil-e1585429750131.jpg
Igli Nikolli21:58 | 28/03/2020

Rrëzimi i qeverisë Kurti në Kosovë është pritur shumë keq nga pjesa më e madhe e shqiptarëve. Vetëm 51 ditë qëndroi në detyrën e kryeministrit Albin Kurti, lideri i Lëvizjes Vetëvendosja. Ndërkohë që të gjithë shtetet janë të përqendruara në betejën kundër koronavirusit, në tokën dardane një pjesë e kanë mendjen te pushteti dhe nxitojnë për t’i bërë keq “aleatëve”.

Rreth kësaj ndodhie ka reaguar edhe Mërgim Mavraj, kapiteni i kombëtares shqiptare. Qendërmbrojtësi ka përdorur një nga shprehjet e shumta të artistit të madh Unikkatil (Viktor Paloka).

100 zogj t’pulave kundër 1 LUANI. Me Albinin”, shkruan Mërgim Mavraj, duke shprehur qartësisht mbështetjen e tij për një nga politikanët që ka fituar besimin e shumë shqiptarëve kudo që ndodhen. /abcnews.al

 

Postimi i Mavrajt

 

covid-19.jpg
nev ila21:20 | 28/03/2020

Instituti Kombëtar i Shëndetësisë Publike të Kosovës (IKSHPK) ka njoftuar në natën e së shtunës se është konfirmuar edhe një rast i ri me koronavirus në vend.

Numri i të infektuarve me koronavirus ka shkuar në 91.

Laboratori i Mikrobiologjisë Molekulare në IKSHPK sot në mbrëmje ka testuar edhe 8 mostra, prej të cilave një ka rezultuar pozitive.

Rasti pozitiv është rast kontakti, me vendbanim në Prishtinë.

ylber-isufi-maqedoni.gif
nev ila19:30 | 28/03/2020

Zv/ drejtori i spitalit të Kumanovës Ylber Isufi në një lidhje me skype në ABC News tha se numri i të prekurve nga koronavirusi në Maqedoninë e Veriut vazhdon të rritet po ashtu ditët e fundit edhe në Kumanovë.

Numri i të prekurve në Maqedoninë në Veriut është 241 persona ndërkohë që Shkupi shënon numrin më të madh të rasteve me një total prej 143 raste.

Më pas vjen Dibra me 45 raste ku shënon dhe 2 të vdekur. Në vendin e tretë është radhitur Kumanova ku shënohen 20 raste dhe 1 i vdekur.

Drejtori Isufi tha për ABC News se në Kumanovë janë infektuar edhe nga radhët e stafit mjekësor, 2 mjekë dhe 2 infermiere të cilët ndodhen në gjendje të stabilizuar.

Po ashtu Isufi bëri thirrje qytetarëve të Maqedonisë së Veriut dhe Kumanovës që të vazhdojnë të qëndrojnë në shtëpi dhe të zbatojnë të gjithë rregullat për tu mbrojtur nga koronavirusi.

“Në Kumanovë janë infektuar edhe personeli mjekësor me 4 raste, 2 mjekë dhe 2 infermierë të cilët për momentin ndodhen në gjendje të stabilizuar. Në Kumanovë është shtuar stafi dhe 1 tjetër repart ku trajtohen pacientët me covid-19.  Të infektuarit në Maqedoninë e Veriut janë kryesisht të moshës së tretë dhe mesatare, ndërkohë që është vetëm një fëmijë 4 vjeç në Shtip, i prekur nga koronavirusi.

Në lidhje me trajtimin e Covid-19 siç dihet nuk ka një mjekim specifik. Pacientët trajtohen më së shumti me serume pasi temperatura është e lartë. Ata që janë të diagnostifikuar edhe me bronko pneumoni, ata trajtohen me antibiotike dhe pjesë tjetër terapie shtesë.

Për sa i përket testimeve në Maqedoninë e Veriut, në Kumanovë ndodhet një pikë e testimit të pacientëve. Është duke vazhduar testimi masiv në këtë qytet. Testimi ndihmon shumë pasi nëse 1 test rezulton pozitiv, normalisht do të izolohet duke  mos patur kontakte të tjera, dhe në këtë mënyrë zvogëlohet numri i të infektuarve. Ndërkohë edhe në Maqedoninë Veriut janë marrë masa të kufizimit të qarkullimit dhe lëvizjeve të qytetarëve. Por si në çdo vend edhe në Maqedoninë  e Veriut ka qytetarë që neglizhojnë dhe nuk i binden të gjithë urdhrave”, tha Isufi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono