Kreu i Forcave të Mbrojtjes të Izraelit ka thënë se trupat e tij po përgatiten të vazhdojnë luftimet kur marrëveshja e zgjatur e armëpushimit të përfundojë në ditët në vijim.
Herzi Halevi deklaroi se IDF po përdorte kohën e dhënë nga pauza për të “mësuar, forcuar gatishmërinë tonë dhe miratuar planet e ardhshme operacionale”, shkruan Sky News.
Ai shtoi: “IDF është e përgatitur të vazhdojë luftimin.”
Halevi tha se ishte në Izraelin verior për të folur me ata që ishin evakuuar nga shtëpitë e tyre në fillim të konfliktit – dhe që atëherë nuk ishin kthyer më.
“Dua t’u drejtohem banorëve të veriut të cilët janë evakuuar nga shtëpitë e tyre për disa kohë – e di se sa e vështirë, e pakëndshme dhe e mbushur me pasiguri të madhe është situata. Ne do të sigurojmë që banorët e veriut të kthehen në një realitet tjetër, më të mirë dhe më të qëndrueshëm të sigurisë”, theksoi ai.
Duke iu kthyer akuzave për krime lufte të kryera brenda Gazës, të ngritura në IDF nga Hamasi, Halevi premtoi përgjegjësi.”/abcnews.al
