Izraeli: Lufta me Iranin ka hyrë në një fazë tjetër

Kreu i ushtrisë izraelite ka paralajmëruar se lufta kundër Iranit po kalon në “fazën tjetër” dhe do të përfshijë “lëvizje të papritura”.

Eyal Zamir po fliste gjatë një fjalimi të regjistruar drejtuar publikut këtë mbrëmje.

“Tani po kalojmë në fazën tjetër të fushatës, në të cilën do të intensifikojmë sulmet kundër themeleve dhe aftësive ushtarake të regjimit”, tha ai.

“Kemi në dispozicion lëvizje të tjera surprizë që nuk kam ndërmend t’i zbuloj”, shtoi Zamir.

Ndërkaq, ministri i Jashtëm iranian, Abbas Araghchi, tha se vendi i tij është gati për një pushtim tokësor nga trupat amerikane, ndërsa lufta e nisur nga Shtetet e Bashkuara dhe Izraeli është përhapur me shpejtësi në të gjithë rajonin. Ai gjithashtu refuzoi çdo negociatë me SHBA-në dhe tha se Irani nuk kishte kërkuar armëpushim.

Komentet e tij erdhën pasi ushtritë amerikane dhe izraelite filluan një sulm gjithëpërfshirës ndaj Iranit të shtunën, i cili shkatërroi mbrojtjen e tij ushtarake dhe vrau Udhëheqësin Suprem Ajatollah Ali Khamenei.